سیاحت کے شوقین افراد کیلئے جرمنی کا شہر کولون جسے دو دریاؤں کا شہر بھی کہا جاتا ہے انتہائی پُرکشش اہمیت کا حامل ہے۔
جرمنی کا شہر کولون (Cologne)مغربی جرمنی میں واقع ایک تاریخی اور ثقافتی شہر ہے۔ اسے دو دریاؤں کا شہر اس لیے کہا جاتا ہے کہ اس شہر میں فرانس سے آنے والا دریا جرمنی سے آنے والے دریا سے ملتا ہے جس کا منظر بہت دلفریب ہوتا ہے جسے دیکھنے کیلئے لوگ دور دور سے یہاں آتے ہیں۔
اے آر وائی نیوز کے نمائندے کے مطابق ویسے تو کراچی میں بھی ’دو دریا‘ کے نام سے ایک تفریحی مقام ہے، لیکن اٹلی کے شہر روم سے 30 کلومیٹر کے فاصلے پر کولون شہر میں حقیقت میں ’دو دریا‘ آپس میں ملتے ہیں۔
انہوں نے بتایا کہ ان دو دریاؤں کے ملنے کے مقام کو جنرل کارنر کہا جاتا ہے، یہ انتہائی خوبصورت وادی ہے جہاں دنیا بھر سے سیاح اس دلفریب منظر کا نظارہ کرنے آتے ہیں۔
اس کے علاوہ کولون میں بہت سی تاریخی عمارات بھی ہیں، جن میں کولن کیتھیڈرل سب سے نمایاں ہے۔ یہ گوتھک طرز کی عمارت جو یونیسکو کے عالمی ورثہ سائٹ میں شامل ہے۔
کراچی کا تفریحی مقام ’دو دریا‘
اہلیان کراچی اپنے شہر کے سمندر اور خوبصورت ساحلوں کا ذکر فخریہ انداز میں کرتے ہیں، جس میں ایک نام ’دو دریا‘ کا بھی ہے۔
یہاں کی خاص بات ٹھاٹھیں مارتی سمندری موجیں، ساحل پر خوبصورتی عمدگی اور سے سجائے گئے پتھر یہاں کی دلکشی کو ابھی قابل دید بناتے ہیں جس کا اندازہ وہاں جاکر ہی لگایا جا سکتا ہے۔
