کولمبیا کی فوج کی جانب سے یہ اعلان کیا گیا ہے کہ ملک کے جنوب مغربی پہاڑی علاقے میں شہریوں نے 57 فوجیوں کو اغوا کرلیا گیا ہے، جو ایف اے آر سی کے علیحدہ گروپوں کے دباؤ میں آئے تھے۔
بین الاقوامی خبر رساں ادارے کی رپورٹ کے مطابق فوجی حکام کا اس حوالے سے کہنا ہے کہ فوجیوں کو اغوا کرنے کا واقعہ کاوکا کے علاقے کے ایل پلیٹیڈو کے قریب پیش آیا، جو کہ ملک میں کوکین کی پیداوار کے حوالے سے ایک اہم ترین علاقہ ہے اور جہاں اب بھی شدید کشیدگی کی لہر جاری ہے۔
رپورٹس کے مطابق فوجیوں کا یہ اغوا اس بات کی علامت ہے کہ کولمبیا کے جاری تنازعہ میں کشیدگی مزید بڑھتی جا رہی ہے، خاص طور پر ان علاقوں میں جہاں منشیات کی تجارت اور غیر قانونی گروہ سرگرم ہیں۔
ایف اے آر سی کے علیحدہ شدہ دھڑے ان علاقوں میں اپنی گرفت مضبوط کر چکے ہیں، جس کے باعث یہاں کی عوام اور سکیورٹی فورسز دونوں کو شدید مشکلات کا سامنا ہے۔
دوسری جانب رواں ماہ کولمبیا میں 6.3 شدت کے زلزلے سے درجنوں گھر ملبے کا ڈھیر بن گئے۔ زلزلہ کے باعث سڑکوں پر دراڑیں پڑ گئیں۔
زلزلہ کولمبیا کے دارالحکومت بوگوٹا سے تقریباً ایک سوستر کلومیٹر مشرق میں آیا تھا۔ جسے ملک کے بیشترحصوں میں محسوس کیا گیا۔ تاہم کسی جانی نقصان کی اطلاع سامنے نہیں آئی۔
خبر رساں ایجنسی ’اے ایف پی‘ کا اپنی رپورٹ میں کہنا تھا کہ دارالحکومت بوگوٹا سے تقریباً 170 کلومیٹر (105 میل) مشرق میں شدید زلزلہ آیا جسے ملک کے بیشتر حصوں میں محسوس کیا گیا۔
ایران کے وزیر خارجہ کا روس پہنچنے پر اہم بیان سامنے آگیا
امریکی جیولوجیکل سروے کا اس حوالے سے کہنا تھا کہ زلزلہ پیراٹیبوینو کے قریب 9 کلومیٹر (5.5 میل) کی گہرائی میں آیا۔ اس کا اثر بحر الکاہل کے ساحل کے قریب میڈلین اور کیلی تک محسوس کیا گیا۔
