بگوٹا: کولمبیا میں کوئلے کی کان میں ہونے والے زوردار دھماکے کے نتیجے میں گیارہ افراد موت کی وادی میں چلے گئے۔
غیر ملکی میڈیا رپورٹ کے مطابق واقعہ کنڈنمار میں کوئلہ کان میں رونما ہوا جہاں کام کے دوران زبردست دھماکا ہوا جس کے نتیجے میں میں کم از کم گیارہ کان کن مارے گئے جبکہ دس سے زائد لاپتہ ہوگئے۔
کولمبین صدر گستاوو پیٹرو نے اپنے ٹوئٹر اکاؤنٹ پر واقعہ پر افسوس کا اظہار کرتے ہوئے کہا کہ ہم پھنسے ہوئے لوگوں کو زندہ نکالنے کے لیے ہرممکن کوشش کررہے ہیں۔
ادھر کنڈنمارکا کے گورنر نکولس گارسیا بسٹوس نے سوشل میڈیا پر واقعہ سے متعلق بتایا کہ ریسکیو ٹیمیں کان میں پھنسے دس مزدوروں کو بچانے کی ہر ممکن کوشش کررہی ہے۔
گورنر نکولس کا کہنا تھا کہ واقعے کان میں گیس بھرنے کے باعث پیش آیا، حادثے کے وقت تیس مزدور 900 میٹر گہری کان میں کام کرنے میں مصروف تھے ان میں سے سات مزدور خوش قسمتی سے زندہ بچ گئے ہیں۔
