کورونا وائرس سے نبردآزما پاکستان سے اظہار یکجہتی اور حوصلہ افزائی کے لیے سوئٹزرلینڈ کا پہاڑ سبز ہلالی پرچم سے روشن ہوگیا۔
اٹلی کی سرحد کے قریب واقع مشہور میٹرہارن نامی پہاڑ پاکستانی پرچم کے رنگوں میں رنگ گیا، یہ پہاڑ سوئس قصبے زرمت کے پاس واقع ہے جسے سوئٹزرلینڈکے لیے طاقت اور استحکام کی علامت سمجھا جاتا ہے۔
مقامی انتظامیہ نے کورونا وائرس سے نمٹنے کے لیے پاکستانی کوششوں کی حوصلہ افزائی اور مشکل حالات میں امید دلانے کے لیے سبزہلالی پرچم کے رنگوں سے میٹرہارن پہاڑ کو رنگ دیا۔
پاکستانی پرچم روشن کرنے کے ساتھ ساتھ دعائیہ کلمات بھی تحریر کیے گئے جس میں کہا گیا کہ پاکستان میں کورونا وائرس تیزی سے پھیل رہا ہے، ہم اس مشکل گھڑی میں پاکستانی لوگوں کے ساتھ اظہار یکجہتی کرتے ہوئے ان کی ہمت باندھتے ہیں۔
پہاڑ پر پاکستان کےعلاوہ امریکا، چین، سعودعرب، روس، ایران اور بھارت کے پرچم بھی روشن کیے گئے،ساتھ میں دعائیہ جملے لکھ کر ان سے نیک تمناؤں اور استحکام کا پیغام دیا گیا۔
We thank #Zermatt & #Switzerland for the most beautiful message of hope & solidarity.
The people of #Pakistan, like the people of the Swiss Confederation, are facing the pandemic with fortitude. We will overcome this global crisis through mutual cooperation & collaboration. pic.twitter.com/tmyX43hG9D
— Spokesperson 🇵🇰 MoFA (@ForeignOfficePk) April 25, 2020
دوسری جانب دفتر خارجہ کی ترجمان عائشہ فاروق نے سماجی رابطے کی ویب سائٹ پر تصویر شیئر کرتے ہوئے مشکل وقت میں اظہار یکجہتی کرنے پر سوئٹزرلینڈ کے حکام کا شکریہ ادا کیا۔
علاوہ ازیں سینیٹر فیصل جاوید خان نے بھی تصویر شیئر کی اور لکھا کہ پاکستانی پرچم سوئٹزرلینڈ میں واقع میٹرہارن نامی پہاڑ پر آویزاں کیا گیا، اس کا مقصد پاکستانیوں کو امید دلانا اور اُن کے ساتھ اظہار یکجہتی کرنا ہے۔
Pakistan flag was projected on the Matterhorn mountain Zermatt village in Switzerland.
Sending msg of hope & strength to all Pakistanis in connection with #COVID19
Matterhorn Lights up w/ msg Of hope every night. #ThankYouSwiterland #Hope #Prayers #Pakistan pic.twitter.com/865VhizAnw
— Faisal Javed Khan (@FaisalJavedKhan) April 25, 2020
