site
stats
پاکستان

ملک بھر میں کومبنگ آپریشن کے تحت کارروائیاں جاری

اسلام آباد : ملک بھر میں کومبنگ آپریشن کے تحت سیکیورٹی اداروں کی پے در پے کارروائیاں جاری ہیں، کراچی، لاہور، گوجرانوالہ، پشاور، کوئٹہ اور قبائلی علاقوں میں آپریشن کے دوران دہشت گردوں اور متعدد مشتبہ افراد کو حراست میں لیا گیا ہے۔

تفصیلات کے مطابق ملک بھر میں سیکیورٹی اداروں کی تابڑ توڑ کارروائیاں جاری ہے، رات گئے سرائے عالمگیر کے نواحی علاقے میں سیکیورٹی اداروں نے کارروائی کی، مقابلے میں ایک دہشتگرد ہلاک چار فرار ہوگئے، ہلاک دہشتگرد سے اسلحہ بھی برآمد ہوا۔


 

مزید پڑھیں : راولپنڈی سمیت ملک بھر میں کومبنگ آپریشن، سینکڑوں گرفتار


 

چنیوٹ اور بھوانہ میں سرچ آپریشن کے دوران پندرہ مشکوک افراد گرفتار کر لئے گئے، سو سے زائد افراد کی بائیو میٹرک تصدیق کی گئی۔

سانحہ کوئٹہ کے بعد سے ملک کے چھوٹے بڑے شہروں میں دہشت گردوں اور انکے سہولت کاروں کے گرد گھیرا تنگ کردیا گیا ہے۔

واضح رہے کہ سانحہ کوئٹہ کے بعد ملک کی سول اور ملٹری قیادت نے ایک مشترکہ اجلاس میں نیشنل ایکشن پلان کو پایہ تکمیل تک پہنچانے کے لئے ملک بھر میں کومبنگ آپریشن شروع کرنے کا فیصلہ کیا تھا۔


 

مزید پڑھیں : کورکمانڈرز اپنے صوبوں میں بھرپور کومبنگ آپریشن کریں، راحیل شریف


 

جنرل راحیل شریف نے تمام کور کمانڈرز کو اپنے صوبوں میں کومبنگ آپریشن شروع کرنے کی ہدایت کی اور صوبائی حکومتوں کے ساتھ ہر ممکنہ تعاون کی ہدایات جاری کیں

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top