بھارتی کامیڈین سنیل پال کئی گھنٹے لاپتہ رہنے کے بعد واپس گھر پہنچ گئے
بھارت کے مشہور و معروف کامیڈین سنیل پال کئی گھنٹے لاپتہ رہنے کے بعد آخر کار اپنے گھر واپس پہنچ گئے۔
بھارتی میڈیا کا اس حوالے سے کہنا ہے کہ گزشتہ روز سنیل پال شو کے بعد کئی گھنٹے تک لاپتہ ہو گئے تھے جس کے بعد ان کی بیوی نے پولیس سے رابطہ کیا تھا۔
سنیل پال کی اہلیہ نے اب یہ دعویٰ کیا ہے کہ ان کے شوہر کو اغواء کیا گیا تھا جس کی تفصیلات مناسب وقت پر بتائی جائیں گی۔
اہلیہ نے کہا کہ سنیل نے اغواء کاروں سے متعلق پولیس کو بیان ریکارڈ کرا دیا ہے، سب کچھ صحیح ہے، پولیس ہمارے ساتھ پورا تعاون کررہی ہے۔
بھارتی میڈیا اس حوالے سے کہنا ہے کہ کامیڈین نے ایک شو کے لیے ممبئی سے باہر کا سفر کیا تھا، انہوں نے اہلیہ کو بتایا تھا کہ وہ 3 دسمبر کو گھر واپس لوٹ آئیں گے۔
نرگس فخری کا اپنی بہن عالیہ سے لاتعلقی کا اظہار
اُن کے گھر واپس نہ پہنچنے پر اہلیہ سریتا پال کی جانب سے ممبئی کے ایک پولیس اسٹیشن میں شوہر کی گمشدگی کی شکایت درج کرائی گئی تھی۔
