لاہور: لیجنڈری اداکار عمر شریف کی بیٹی انتقال کر گئیں ، وہ گردوں کےعارضےمیں مبتلا تھی ، مرحومہ کی نماز جنازہ ایک روز بعد عمر شریف کی امریکا واپسی کے بعد ادا کی جائے گی۔
تفصیلات کے مطابق معروف اداکار عمر شریف کی بیٹی حرا عمر انتقال کر گئیں ، حراعمر طویل عرصےسے گردوں کے عارضے میں مبتلا تھی اورلاہور کے ایک اسپتال میں زیر علاج تھیں ، ان کی شادی ایک سال قبل ہی ہوئی تھی۔
معروف اداکار عمر شریف شوز کے سلسلےمیں امریکا میں ہیں ، بیٹی کی طبیعت کا سُن کر عمرشریف نے امریکا میں پروگرام منسوخ کردیا ہے اور کل پاکستان پہنچیں گے۔
مرحومہ کی نماز جنازہ ایک روز بعد عمر شریف کی واپسی کے بعد ادا کی جائے گی۔
حرا اپنے والد عمر شریف کے بہت قریب تھیں اور کراچی میں عمر شریف کے ’ماں ‘ اسپتال کی ایڈمنسٹریٹر بھی تھیں۔
یاد رہے گذشتہ سال لیجنڈری اداکار عمر شریف کے بیٹے نے ان کی بیماری کی افواہوں کی تردید کرتے ہوئے کہا تھا عمر شریف بالکل صحت مند ہیں،ان کی بیماری سے متعلق خبروں اور ویڈیوز سے ہمارے جذبات مجروح ہوئے۔
