کراچی : شہر قائد میں بیکری آئٹمز کی نئی قیمتیں مقرر کردی گئی اور دکانوں پر پرائس لسٹ آویزاں کرنا لازمی قرار دے دیا ہے۔
تفصیلات کے مطابق کمشنر کراچی نے بیکری آئٹمز کی نئی قیمتیں مقرر کردی اور نئی قیمتوں کے حوالے سے نوٹی فکیشن جاری کردیا گیا ہے۔
پینی اول کوالٹی 690 روپے جبکہ دوئم کوالٹی 590 روپے کلو ، کھجلہ اول کوالٹی 690 روپے جبکہ دوئم کوالٹی 590 روپے کلو مقرر کی گئی ہے۔
کمشنر کراچی کی جانب سے جلیبی اول کوالٹی 440 جبکہ دوئم کوالٹی 400 روپے کلو مقرر ، پکوڑا اول کوالٹی 560 جبکہ دوم کوالٹی 480 روپے کلو مقرر کی ہے۔
، کمشنر کراچی نے دکانوں پر پرائس لسٹ آویزاں کرنا لازمی قرار دیتے ہوئے کہا کہ قیمتوں پر عمل نہ کرنے والوں کے خلاف سخت کارروائی کی جائے گی۔
