راولپنڈی: آرمی چیف جنرل قمر جاوید باجوہ نے کہا ہے کہ ایمان، اتحاد اور نظم کے ساتھ کورونا وائرس سمیت تمام چیلنجز کو شکست دیں گے۔
ڈی جی آئی ایس پی آر کے مطابق یوم پاکستان کے حوالے سے آرمی چیف جنرل قمر جاوید باجوہ نے پیغام میں کہا کہ یوم پاکستان ہمیں حصول پاکستان کی جدوجہدکی یاد دلاتا ہے ہمیں اپنے آبا و اجداد کوخراج تحسین پیش کرنے کے عزم کا اعادہ کرناہے۔
آرمی چیف کا کہنا تھا کہ ایمان، اتحاد اور نظم کےساتھ ہرچیلنج پر قابو پائیں گے، کورونا وائرس سمیت تمام چیلنجز کو شکست دیں گے۔
“Pakistan Resolution Day symbolises struggle for Pakistan. While paying glowing tribute to our ancestors, we reaffirm our resolve and commitment to defeat all challenges including Covid-19 pandemic with Faith, Unity and self Discipline.” COAS#OneNationOneDestiny
— DG ISPR (@OfficialDGISPR) March 23, 2020
قبل ازیں آرمی چیف جنرل قمر جاوید باجوہ کی زیرصدارت جی ایچ کیومیں اسپیشل کورکمانڈرکانفرنس ہوئی ، کورکمانڈرز نےاپنےاپنےہیڈکواٹرزسےوڈیوکانفرنس کےذریعےشرکت کی۔
اسپیشل کورکمانڈرکانفرنس کاون پوائنٹ ایجنڈا کوروناتھا، اس موقع پر آرمی چیف نے کہا کہ پاکستانی قوم کوکوئی ہرانہیں سکتا، پاک فوج ملک کی خدمت اورحفاظت کرتی رہےگی۔
یاد رہے آرمی چیف جنرل قمر جاوید باوجوہ نے پاک افواج کو سول انتظامیہ کی امداد تیز کرنے کی ہدایات کرتے ہوئے کہا کہ انفرادی طور پر کرونا وائرس سے بچاؤ در حقیقت اجتماعی حفاظت کی بنیاد ہے۔