اسلام آباد: کامن ویلتھ آبزرور گروپ نے پاکستان بھر میں ووٹنگ کے دوران انٹرنیٹ کی بندش پر دل چسپ تبصرہ کیا ہے۔
تفصیلات کے مطابق ملک میں عام انتخابات 2024 کے لیے پولنگ کا عمل گزشتہ کئی گھنٹوں سے جاری ہے، وفاقی حکومت نے ملک بھر میں سیکیورٹی کا بہانہ بنا کر انٹرنیٹ اور موبائل سروس بند کر دی ہے، جس پر سیاسی جماعتوں کی جانب سے الیکشن کمیشن میں شکایات درج کرائی گئی ہیں۔
تاہم کامن ویلتھ آبزرور گروپ کے سربراہ نے انٹرنیٹ بندش کے سوال پر جواب میں کہا ’’انٹرنیٹ سے زیادہ اہم ووٹ ڈالنا ہے۔‘‘
گاؤں ادینہ میں خواتین کے ووٹ کاسٹ کرنے پر پابندی
ڈی آئی خان میں پولیس گاڑی کے قریب دھماکا، 5 اہلکار شہید
کامن ویلتھ آبزرورز گروپ نے اسلام آباد کے مختلف پولنگ اسٹیشنوں کا دورہ کیا اور انتخابی عمل کا جائزہ لیا، گروپ نے پولنگ کے عمل پر اطمینان کا اظہار کرتے ہوئے دعویٰ کیا کہ عام انتخابات میں پولنگ کا عمل شفاف ہے۔ کامن ویلتھ کے مبصر گروپ کے سربراہ کا کہنا تھا کہ عام انتخابات کے پولنگ عمل سے ہم مطمئن ہیں، انٹرنیٹ دریافت ہونے سے قبل بھی ہم الیکشن کرا رہے تھے، انٹرنیٹ سے زیادہ اہم ووٹ ڈالنا ہے۔
الیکشن 2024 پاکستان: پولنگ کی مکمل کوریج اور معلومات – لائیو
پیپلز پارٹی نے موبائل اور انٹرنیٹ سروس بندش کے خلاف الیکشن کمیشن میں درخواست دے دی
مبصر کامن ویلتھ گروپ ڈاکٹر گڈ لک جوناتھن نے کہا ’’پاکستان دولت مشترکہ کا بڑا ملک ہے، ہم انتخابات کا سنجیدگی سے جائزہ لے رہے ہیں، پاکستان پائیدار جمہوریت کی جانب گامزن ہے، ابھی کوئی حتمی رائے قائم نہیں کر سکتا، پاکستان میں انتخابات سے متعلق رپورٹ اتوار کو جاری کریں گے۔ انھوں نے کہا کہ آئی جی اسلام آباد نے سیکیورٹی اقدامات اور وزیر داخلہ نے انتخابات سے متعلق کردار سے انھیں آگاہی فراہم کی۔
I set out early this morning with members of the Commonwealth Observation Group (COG), to visit some polling stations in Islamabad as polls opened in Pakistan’s general elections.
I wish the people of Pakistan peaceful and successful elections.
-GEJ pic.twitter.com/Nkua5EHL4v— Goodluck E. Jonathan (@GEJonathan) February 8, 2024
واضح رہے کہ مختلف علاقوں سے اطلاعات موصول ہو رہی ہیں کہ چھ گھنٹے گزرنے کے باوجود پولنگ کا عمل شروع نہیں ہو سکا ہے، کئی علاقوں کے پولنگ اسٹیشنز میں تاحال پولنگ سامان بھی نہیں پہنچا ہے، موبائل فون اور انٹرنیٹ سروسز کی بندش کی وجہ سے اس طرح کی صورت حال سے آگاہی بھی ممکن نہیں ہو پا رہی ہے۔
