The news is by your side.

Advertisement

معاوضہ کیس: کنزیومر عدالت کا ایئر لائن کو نوٹس

کراچی : غیرملکی ایئرلائن کے خلاف 44 لاکھ روپے معاوضے کی ادائیگی سے متعلق کیس میں عدالت نے ایئرلائن کو 27 جنوری کا سمن جاری کردیا۔

تفصیلات کے مطابق کنزیومر کورٹ میں پاکستانی نژاد دو امریکی شہری کی جانب سے غیرملکی ایئرلائن کے خلاف 44 لاکھ روپے معاوضے کی ادائیگی کی درخواست دائر کی گئی تھی۔

درخواست گزاروں نے کہا تھا کہ 9 نومبر کو کراچی سے امریکی شہر ہیوسٹن کےلیے غیرملکی ایئرلائن کا ٹکٹ بک کرایا تاہم مقررہ وقت پر ایئرپورٹ پہنچے تو ایئرلائن عملے نے بورڈنگ سے انکار کردیا۔

درخواست میں کہا گیا ہے کہ ایئرلائن عملے نے درخواست گزار سے کہا کہ آپ کا پاکستانی قومی شناختی کارڈ ایکسپائر ہوچکا ہے حالانکہ ہم نے امریکی پاسپورٹ پر انحصار کیا تھا اور قومی شناختی کارڈ کی تجدید کےلیے آن لائن اپلائی کررکھا تھا اس کے باوجود ایئرلائن عملے نے بورڈنگ پاس جاری نہیں کیا۔

درخواست میں کہا گیا ہے کہ پاکستان کا شناختی کارڈ چیک کرنا ایئرلائن کے دائرہ اختیار میں نہیں آتا۔

کنزیومر کورٹ نے درخواست پر غور کرتے ہوئے غیرملکی ایئرلائن کو 27 جنوری کا سمن جاری کرتے ہوئے جواب طلب کرلیا۔

Comments

یہ بھی پڑھیں