The news is by your side.

Advertisement

پاکستان میں مکمل امن واپس آئے گا، آرمی چیف

آرمی چیف جنرل قمر جاوید باجوہ نے کہا ہے کہ پاک فوج دہشت گردی کی لعنت کےمکمل خاتمے کیلئے پرعزم ہے شہدا کی فروغ امن کیلئےقربانی رائیگاں نہیں جائے گی پاکستان میں مکمل امن واپس آئے گا۔

آئی ایس پی آر کے مطابق آرمی چیف جنرل قمرجاوید باجوہ کورہیڈکوارٹرز پشاور کے دورے پر پہنچے تو کورکمانڈر لیفٹننٹ جنرل فیض حمید نے استقبال کیا۔

آرمی چیف کو سیکیورٹی صورتحال اور ضم اضلاع میں ترقیاتی کاموں پر بریفنگ دی گئی، آرمی چیف نے نئے انضمام اضلاع میں ترقیاتی منصوبوں کی تکمیل کی تعریف کی اور کہا کہ منصوبے علاقے کے پائیدار استحکام اور پائیدار ترقی کیلئے ضروری ہیں۔

جنرل باجوہ نے سیکیورٹی فورسز کی جانب سے سازگار ماحول کی فراہمی پر اظہاراطمینان کرتے ہوئے کہا کہ قبائلی اضلاع میں دیرپاترقی اوراستحکام اتنہائی ضروری ہے۔

انہوں نے کہا کہ پاک فوج دہشت گردی کی لعنت کےمکمل خاتمےکیلئےپرعزم ہے شہدا کی فروغ امن کیلئے قربانی رائیگاں نہیں جائے گی پاکستان میں مکمل امن واپس آئے گا۔

آرمی چیف نے کیپٹن سعد اور لانس ئانیک عرفان شہید کی نمازجنازہ میں شرکت کی۔ گورنر کےپی اور صوبائی وزرا بھی نمازجنازہ میں شریک تھے۔ دونوں اہلکار جنوبی وزیرستان میں لڑتے ہوئے شہیدہوئے۔

Comments

یہ بھی پڑھیں