کراچی : قومی ایئرلائن پی آئی اے میں ایک بار پھر 6 ماہ کے لیے لازمی سروس ایکٹ نافذ کردیا گیا ، جس کے تحت پی آئی اے کے تمام ملازمین کام سے منع نہیں کر سکیں گے۔
تفصیلات کے مطابق قومی ایئرلائن پی آئی اے میں ایک بار پھر لازمی سروس ایکٹ نافذ کردیا گیا، لازمی سروس ایکٹ 6 ماہ کے لیے نافذ ہوگا۔
لازمی سروس ایکٹ کے دوران پی آئی اے کے تمام ملازمین کام سے منع نہیں کر سکیں گے۔
لازمی سروس ایکٹ کپتانوں، فضائی میزبان سمیت تمام ملازمین پر نافذ ہوگا، جس کے تحت جہاز کے کپتان اور فضائی عملہ لازمی سروس ایکٹ کے دوران کام سے منع نہیں کر سکیں گے۔
اعلی انتظامیہ کے دیے گئے احکامات پر کام سے منع کرنے والے ملازمین کے خلاف سخت ایکشن لیا جائے گا۔
لازمی ایکٹ سروس کے خلاف ورزی کرنے والے پی آئی اے ملازمین کو ایک سال تک جیل ہوسکتی ہے اور انتظامی کارروائی سمیت عدالتی کارروائی کی جا سکتی ہے۔
پی آئی اے انتظامیہ نے لازمی ایکٹ سروس اکتوبر سے 6 ماہ کے لئے نافذ کردیا ہے۔
