site
stats
پنجاب

امجد صابری کی یاد میں تعزیتی تقریب

لاہور: معروف قوال امجد صابری شہید کی یاد میں جرنلسٹ گروپ لاہورکے زیر اہتمام تعزیتی ریفرنس منعقد کیا گیا۔

پنجاب انسٹی ٹیوٹ میں منعقد کیے جانے والے اس اجلاس میں فنون لطیفہ، کھیل اورصحافت سمیت مختلف شعبہ ہائے زندگی سے تعلق رکھنے والی اہم شخصیات نے شرکت کی اور امجد صابری کی ملک وقوم کیلئے خدمات اور عظیم قربانی پر روشنی ڈالی۔

111

اس تعزیتی ریفرنس کی صدارت ارشد انصاری (کنوینیر آل پاکستان پریس کلب کونسل) نے کی جبکہ اس موقع پر امجد صابری سے اپنی محبت اور عقیدت کا اظہار کرنے والوں میں ورسٹائل اداکار خالد عباس ڈٓار، فلمسٹار نور، گلوکارہ حمیرہ ارشد، جواداحمد، ہدایتکار سیدنور، شوکت علی، خالد بٹ، شام چوراسی گھرانے کے فرزند رفاقت علیخاں، معروف قوال ندیم سلامت، مسعودسلامت، مصنف وہدایتکارپرویز کلیم، طارق طافو، شیبا بٹ، ہدایتکار جاوید رضا، سہیل بخاری، گلوکار انور رفیع، اے آروائی نیوز کے سینیراینکر سمیع ابراہیم، عامر غوری، اینکر پرسن عمران خان،قومی ہاکی ٹیم کے ہیڈ کوچ اور سابق اولمپئین خواجہ جنید،رئیس انصاری، جاوید فاروقی، صدر پنجاب اسمبلی پریس گیلری قمر بھٹی اور ڈائریکٹر پلاک صغری صدف شامل تھے

222

امجد صابری شہید کے تعزیتی ریفرنس میں شرکاء نے جہاں ان کی فنی اور قومی خدمات کو بے پناہ سراہا وہیں حکومت وقت پر بھی تنقید کرتے ہوئے اس سانحہ کے ذمہ داروں کو فوری طور پر کیفرکردار تک پہنچانے کا مطالبہ کیا۔

فنکاروں ،کھلاڑیوں اور صحافیوں کا کہنا تھا کہ امجد صابری جیسے فنکار صدیوں میں پیدا ہوتے ہیں بخشی سلامت، اورنصرت فتح علی خان کے گھرانے سمیت صابری خاندان کی فن قوالی کے دنیا بھر میں فروغ کے حوالے سے خدمات ہمیشہ یاد رکھی جائیں گی۔

333

اس کے ساتھ انہوں نے امجد صابری کے ساتھ ہونیوالی دہشت گردی کی شدید الفاظ میں مذمت بھی کی سپیکرز کہا کہنا تھا کہ جس ملک میں فنکار محفوظ نہیں ہیں وہاں عام آدمی کے جان و مال کے تحفظ کا تصور بھی نہیں کیا جاسکتا، اس موقع پر معروف نعت خواں الحاج مرغوب احمد ہمدانی اورگلوکاررفاقت علی خاں نے امجدصابری شہید کے گائے ہوئے نعتیہ کلام بھی پڑھ کرسنائے۔

تعزیتی ریفرنس کے شرکاء کا کہنا تھا کہ امجد صابری پکے اورسچے عاشق رسولﷺ تھے اس موقع پر ان کے ایصال ثواب کیلئے فاتحہ خوانی بھی کی گئی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top