اسلام آباد: پاکستان اور اقوام متحدہ کے سیکریٹری جنرل کی مشترکہ میزبانی میں سوئٹزر لینڈ کے شہر جنیوا میں ماحولیاتی تبدیلی سے بچاؤ سے متعلق کانفرنس ہوگی جس میں پاکستان سیلاب متاثرہ علاقوں کی بحالی کے لیے امداد کی اپیل کرے گا۔
تفصیلات کے مطابق سوئٹزر لینڈ کے شہر جنیوا میں 9 جنوری کو ماحولیاتی تبدیلی سے بچاؤ سے متعلق کانفرنس ہوگی، سفارت ذرائع کے مطابق وزیر اعظم شہباز شریف 9 جنوری کو کانفرنس کا آغاز کریں گے۔
Floods have affected 33 million people in Pakistan & could push over 9 million more people below the poverty line.@GovtofPakistan & @UN are co-hosting the International Conference on Climate Resilient Pakistan in Geneva.
Learn more👉https://t.co/MNJEk4eXGk#ResilientPakistan pic.twitter.com/9eVyqaf9HF
— UN Development (@UNDP) January 3, 2023
سفارتی ذرائع کا کہنا ہے کہ پاکستان کو سیلاب متاثرہ علاقوں کی بحالی کے لیے 16.3 ارب ڈالرز کی ضرورت ہے، نصف رقم کا بندوبست پاکستان اپنے وسائل سے کرے گا جبکہ بقیہ نصف عالمی برادری سے درکار ہے۔
سفارتی ذرائع کے مطابق جنیوا کی کانفرنس میں کم سے کم خرچ آئے گا، وزیر اعظم نے کم سے کم وفد لے جانے کی ہدایت کی ہے، کانفرنس کے لیے تیار فریم ورک میں رقم کے شفاف استعمال کا طریقہ موجود ہے۔
کانفرنس میں سرکاری وفد کے سائز کو محدود رکھا گیا ہے۔
سفارتی ذرائع کا کہنا ہے کہ فرانسیسی صدر کانفرنس میں شریک ہوں گے، پاکستان اور اقوام متحدہ کے سیکریٹری مشترکہ میزبانی کر رہے ہیں، کانفرنس میں چاروں صوبوں سے نمائندگی ہوگی۔
ذرائع کا مزید کہنا ہے کہ سیلاب کے فوری بعد 800 ملین ڈالرز کی فوری اپیل پر ڈھائی ملین ڈالرز ملے تھے۔
