عیدالاضحیٰ، کانگو وائرس کے خدشے کے پیشِ نظر خصوصی الرٹ ایڈوائزری جاری -
The news is by your side.

Advertisement

عیدالاضحیٰ، کانگو وائرس کے خدشے کے پیشِ نظر خصوصی الرٹ ایڈوائزری جاری

اسلام آباد: عیدالاضحیٰ کے موقع پر کانگو وائرس کے خدشے کے پیشِ نظر وفاقی حکومت نے خصوصی الرٹ ایڈوائزری جاری کر دیا ہے، جس میں کہا گیا ہے کہ جانوروں کی نقل و حمل ، انہیں چھونے اور ذبح کرنے کے دوران وائرس انسانوں کو منتقل ہو سکتا ہے ،،صوبے خصوصی احتیاطی اقدامات اٹھائیں ۔

ذرائع سے اے آر وائی نیوز کو موصول ہونے والی الرٹ ایڈوائزری قومی ادارہ صحت کی جانب سے آزاد کشمیر و گلگت بلتستان سمیت چاروں صوبوں کو جاری کی گئی ہے، جس میں عیدالضحی کے موقع پر کانگو وائر س سے بچاؤ کے لئے ہنگامی بنیادوں پر خصوصی احتیاطی تدابیر اختیار کرنے سمیت عوامی شعور اجاگر کرنے کی ہدایت کی گئی ہے۔

ایڈوائزری کے مطابق عیدالاضحیٰ کے موقع پر ملک بھر میں جانوروں کی وسیع پیمانے پر نقل و حمل کے دوران وائرس کے انسانوں میں منتقلی کے امکانات ہیں جبکہ جانوروں کو چھونے اور ذبح کرتے وقت بھی وائرس کی انسانوں میں منتقلی ہوسکتی ہے،اسلئے مویشیوں کے بیوپاری اور قصاب سمیت عوام الناس خصوصی احتیاطی تدابیر اختیار کریں ۔

ایڈ وائزری میں ملک بھر کے نجی و سرکاری ہسپتالوں کے ڈاکٹرز کو ہدایت کی گئی ہے کہ وہ کانگو کے مشتبہ مریض سے ٹیسٹ کے لئے نمونے لیتے ہوئے بیماری سے متعلق مکمل تفصیلات بھی حاصل کریں  جبکہ نمونے صرف تربیت یافتہ عملہ جدید آلات اور مکمل حفاظتی اقدامات کے ساتھ حاصل کرکے فوری طور پر قومی ادارہ صحت کو بھجوائے۔

الرٹ میں سرکاری و نجی لیبارٹری کو مکمل حفاظتی اقدامات، جدید مشینری اور تربیت یافتہ عملے کے بغیر کانگووائرس کے ٹیسٹ نہ کرنے کی ہدایت کی گئی ہے، ایڈوائزری الرٹ کے مطابق رواں سال اب تک ملک بھر میں کانگو وائرس کے 87مشتبہ جبکہ 18مصدقہ کیسز سامنے آچکے ہیں جبکہ وائرس سے 5افراد کی موت بھی واقع ہوچکی ہے۔

قومی ادارہ صحت نے اپنی ویب سائٹ پر کانگوا وائرس سے متعلق معلومات بھی جاری کر دیں ہیں۔

Comments

comments

یہ بھی پڑھیں