الیکشن کمیشن کی جانب سے چوہدری شجاعت حسین کو ق لیگ کی صدارت پر برقرار رہنے کا فیصلہ سنائے جانے کے بعد وفاقی حکومت نے انہیں مبارکبا دی ہے۔
اے آر وائی نیوز کے مطابق وفاقی وزیر اطلاعات مریم اورنگزیب نے الیکشن کمیشن کی جانب سے چوہدری شجاعت حسین کو ق لیگ کی صدارت پر برقرار رہنے کا فیصلہ سنائے جانے کے بعد ان الفاظ کے ساتھ مبارکباد دی ہے کہ ’’چوہدری شجاعت حسین کو فتح مبارک۔‘‘
مریم اورنگزیب نے سماجی رابطوں کی ویب سائٹ ٹوئٹر پر اپنے ٹویٹ میں کہا ہے کہ ق لیگ چھیننے کے فسطائی ذہن کو شکست ہوئی۔ یہ فیصلہ پیغام ہے کہ اب فیصلے ڈسکہ کی دھند میں نہیں بلکہ آئین کے تحت ہوں گے۔
وفاقی وزیر اطلاعات نے مزید کہا کہ جلاؤگھیراؤ، مار دو، اٹھا لو، پھینک دو کی فسطائیت ملک میں مسلط نہیں ہوگی۔ اب ہر کام آئین اور قانون کے مطابق ہوگا۔
چوہدری شجاعت کو فتح مبارک۔ ان سے ق لیگ چھیننے کے فسطائی ذہن کو شکست ہوئی۔ الیکشن کمشن کا آرڈر پیغام ہے کہ ڈسکہ کی دھند میں نہیں فیصلے آئین اور قانون کی روشنی میں ہوں گے۔جلاو،گراو، مار دو، اٹھا لو، پھینک دو کی فسطائیت ملک میں مسلط نہیں۔ اب ہر کام آئین اور قانون کے مطابق ہوگا
— Marriyum Aurangzeb (@Marriyum_A) January 31, 2023
واضح رہے کہ ق لیگ کی صدارت سے متعلق الیکشن کمیشن نے گزشتہ سال 18 اگست کو اپنا محفوظ کیا گیا فیصلہ آج سنا دیا ہے۔
یہ بھی پڑھیں: چوہدری شجاعت ق لیگ کے صدر برقرار
الیکشن کمیشن نے اپنے فیصلے میں ق لیگ کے انٹرا پارٹی الیکشن کو غیر قانونی قرار دیتے ہوئے چوہدری شجاعت حسین کو پارٹی کا صدر برقرار رکھا گیا ہے۔