بھارتیہ جنتہ پارٹی کے ترجمان نے انکشاف کیا ہے کہ شاہ رخ خان کی حالیہ فلم میں کانگریس کی ایک دہائی پر مشتمل بدعنوانی کو بے نقاب کیا گیا ہے۔
گورو بھاٹیہ جو قومی سطح پر بی جے پی کی ترجمانی کے فرائض انجام دیتے ہیں، انھوں نے سوشل میڈیا پلیٹ فارم ’ایکس‘ پر ایک پوسٹ شیئر کی جس میں ان کا کہنا تھا کہ ’ہمیں شاہ رخ خان کا شکریہ ادا کرنا چاہیے کہ انھوں نے 2004 سے 2014 تک رہنے والی کانگریس حکومت کی بدعنوانی کو فلم میں آشکار کیا۔‘
انھوں نے اپنی ٹوئٹ میں سپراسٹار کے ایک ڈائیلاگ کا حوالہ دیا ’ہم جوان ہیں اپنی جان ہزار بار داؤ پر لگا سکتے ہیں لیکن صرف دیش کے لیے، تمہارے جیسے دیش بیچنے والوں کے لیے ہرگز نہیں۔‘
ترجمان بی جے پی کا کہنا تھا کہ یہ گاندھی خاندان کے لیے ہے، ساتھ ہی گورو بھاٹیہ نے فلم ’جوان‘ میں دکھائے گئے مختلف مسائل اور بدعنوانی کے حوالے سے ڈیٹا بھی فراہم کیا۔
We must thank @iamsrk for exposing the corrupt, policy paralysis ridden Congress rule from 2004 to 2014 through "🎬 #JawaanMovie, reminds all viewers of the tragic political past during the UPA government.
As he puts it, "Hum jawaan hain, apni jaan hazaar baar daon par laga… pic.twitter.com/9TNH6sE2RJ
— Gaurav Bhatia गौरव भाटिया 🇮🇳 (@gauravbhatiabjp) September 13, 2023
بھارتی انتہا پسند جماعت کے سیاست دان نے وضاحت کی کہ شاہ رخ کی فلم دیکھنے والوں کو کانگریس کی زیرقیادت اتحادی حکومت کے دوران المناک سیاسی ماضی کی یاد دلاتی ہے، جب گاندھی خاندان نے ہمارے فوجیوں کے لیے بلٹ پروف جیکٹس کے بجائے وی وی آئی پی ہیلی کاپٹر کو ترجیح دی۔
انھوں نے اپنی حکومت کی تعریف کرتے ہوئے کہا کہ وزیر اعظم نریندر مودی کی قیادت میں یہ تمام مسائل اب ماضی کا حصہ بن چکے ہیں۔
