واشنگٹن : رکن امریکی کانگریس ٹم برشیٹ نے نو منتخب امریکی صدر کو افغان طالبان کی مالی امداد روکنے کیلئے خط لکھ دیا۔
تفصیلات کے مطابق امریکی رکن کانگریس نے افغان طالبان کی مالی امداد سے متعلق خطرے کی گھنٹی بجادی۔
رکن امریکی کانگریس ٹم برشیٹ نے نو منتخب امریکی صدر کو افغان طالبان کی مالی امداد روکنے کیلئے خط لکھ دیا۔
کانگریس رکن ٹم برشیٹ نے افغانستان کےمرکزی بینک کو رقم کی ترسیل میں خطرہ ظاہر کرتے ہوئے مطالبہ کیا کہ طالبان کو دی جانے والی امریکی غیرملکی امداد روک دیں۔
برشیٹ نے خط میں ٹیکس دہندگان کے ڈالرز کے استعمال کے بارے میں سخت تحفظات کا اظہار کرتے ہوئے کہا بائیڈن انتظامیہ کے تحت امریکی غیرملکی امداد بالواسطہ طالبان کی مالی معاونت کر رہی تھی۔
ٹم برشیٹ کا الزام ہے کہ طالبان کو فنڈز فراہم کرنے سے دہشتگردی کی مالی معاونت کامنصوبہ بنایا جا رہا ہے جبکہ سیکریٹری انٹونی بلنکن نے بتایا کہ غیرسرکاری تنظیموں نے طالبان کو 10 ملین ڈالرغیرملکی ٹیکس کی مدمیں دی۔
کانگریس رکن کا کہنا تھا کہ امریکا کو بیرون ملک اپنے دشمنوں کی مالی امداد نہیں کرنی چاہیے تاہم خط کے بعد ایلون مسک نےبھی سوال اٹھایا کیا واقعی امریکی ٹیکس دہندگان کی رقم طالبان کو جارہی ہے۔
خط کے بعد ثابت ہوتا ہے افغان طالبان دہشت گردی کی چھاپ ختم کرنے میں ناکام ہوچکے ہیں اور خط ثبوت ہےکہ افغان طالبان دہشتگردی کوفروغ دے رہے ہیں۔
