اسلام آباد : حکومت نے آئینی ترامیم کی منظوری کے معاملے پر وفاقی کابینہ کا اجلاس آج بھی ملتوی کردیا، جے یو آئی کی جانب سے سگنل ملنے کے بعد ہی کابینہ اجلاس کا وقت مقرر ہو گا۔
تفصیلات کے مطابق وفاقی کابینہ کا اجلاس آج بھی موخر کردیا گیا، اجلاس میں آئین میں ہونے والی چھبیسویں مجوزہ آئینی ترمیم کے حوالے سے مسودہ پیش کیا جانا تھا۔
.
وفاقی کابینہ کے آئندہ اجلاس کا ٹائم ٹیبل تاحال جاری نہیں ہوا ہے، مجوزہ آئینی ترامیم کا مسودہ کابینہ سے منظوری کے بعد پارلیمانی کمیٹی میں پیش کیے جانے کا امکان ہے۔
ذرائع کا کہنا ہے کہ ائینی ترامیم پر اتفاق رائے کے بعد کابینہ اجلاس ہوگا، جے یو ائئ کو ائینی ترامیم پر قائل کرنے کی کوششیں جاری ہیں، جے یو ائئ کی جانب سے سگنل ملنے کے بعد ہی کابینہ اجلاس کا وقت مقرر ہوگا،
گذشتہ روز بھی وفاقی کابینہ کا اجلاس جو صبح گیارہ بجے بلایا گیا تھا۔۔ وقت تبدیل کرکے سہ پہر تین بجے کیا گیا لیکن کابینہ کا اجلاس نہ ہوسکا۔
خیال رہے گذشتہ روز آئینی ترامیم قومی اسمبلی میں پیش نہ ہوسکیں تھیں ، جس کے بعد ایوان زیر اور ایوان بالا کے اجلاس ملتوی کرناپڑے۔
قومی اسمبلی اور سینیٹ کے اجلاس آج ساڑھے بارہ بجے ہوں گے جبکہ خصوصی پارلیمانی کمیٹی کا بھی اجلاس آج ہوگا۔
