The news is by your side.

Advertisement

پاکستان کا آئین پُرامن احتجاج کا حق دیتا ہے،عمران خان

بنی گالہ : پاکستان تحریک انصاف کے سربراہ عمران خان کا کہنا تھا کہ پاکستان کا آئین پُرامن احتجاج کا حق دیتا ہے

وہ بنی گالہ میں اپنے گھر سے باہر میڈیا سے بات کر رہے تھے انہوں نے کہا کہ اگررائے ونڈ مارچ کی راہ رکاوٹیں ڈالیں گے تو اس کا ردعمل آئے گا جو حکومت برداشت نہیں کر پائے گی

چیرمین تحریک انصاف کا کہنا تھا کہ ہم نے ہر ادارے کے در پر دستک دی لیکن کسی ادارے نے ہماری بات نہیں سنی اس لیے احتجاج کا فیصلہ کیا اگر کسی نے روکا تو آئین کے اندر رہتے ہوئے ہر قدم ممکنہ اُٹھائیں گے۔

عمران خان کا کہنا تھا کہ کرپشن کی وجہ سے مزدوراور کسان کا کوئی پرسان حال نہیں کیوں کہ ادارے کمزور ہیں اور جب ادارے کمزور ہوں تو کرپشن عام ہوتی ہے اور جتنی کرپشن زیادہ ہوگی غربت اتنی ہی بڑھے گی

ایک سوال کے جواب میں تحریک انصاف کے سربراہ کا کہنا تھا کہ تحریک انصاف نے ساری جماعتوں کو رائے ونڈ مارچ میں شرکت کی دعوت دی ہے اس حوالے میں کراچی بھی گیا تھا تحریک انصاف کو پورے پاکستان کی حمایت حاصل ہے،مارچ بہت بڑا ہو گا اور کامیاب ہو گا۔

پاکستان تحریک انصاف کے سابق رہنما جسٹس وجہیہ الدین کی جانب سے نئی پارٹی بنانے کے اعلان کے حوالے سے پوچھے گئے ایک سوال کے جواب میں سربراہ تحریک انصاف کا کہنا تھا کہ جسٹس وجہیہ کی رکنیت معطل کر دی تھی اب اگرجسٹس وجیہہ نئی پارٹی بنانا چاہتے ہیں تو میں ان کے لیے نیک خواہشات کا اظہار کرتا ہوں۔

Print Friendly, PDF & Email

Comments

comments

یہ بھی پڑھیں