اسلام آباد : حکومت نے آئی ایم ایف کی ایک اور شرط پرعمل درآمد کا فیصلہ کرتے ہوئے کےالیکٹرک کے صارفین کے لیے بجلی مزید مہنگی کردی۔
اس حوالے سے ذرائع کا کہنا ہے کہ کے الیکٹرک صارفین کے لیے بجلی کے نرخ دو طرح سے بڑھائے جائیں گے، کے الیکٹرک صارفین کیلئے یکساں ٹیرف کے اطلاق کا فیصلہ کیا گیا ہے، یکساں ٹیرف کے نفاذ سے بجلی اوسط 3.21روپے فی یونٹ مہنگی ہوگی۔
دستاویز کے مطابق کے الیکٹرک کے 100یونٹ والے صارفین کیلئے بجلی 1.4روپے اور700 یونٹ والے صارفین کیلئے بجلی 3.2روپے جبکہ کے الیکٹرک کے عارضی رہائشی صارفین کیلئے بجلی 4.45روپے تک مہنگی ہوگی۔
ملک بھر میں مہنگی بجلی، کراچی والے بھی زد میں آگئے، 700 یونٹ پر بجلی 3 روپے 21 پیسے مہنگی ہوگی#ARYNews pic.twitter.com/0AykfN5lna
— ARY NEWS (@ARYNEWSOFFICIAL) March 1, 2023
اس کے علاوہ کےالیکٹرک کے صنعتی صارفین کیلئے بجلی 4.45روپے فی یونٹ مہنگی ہوگی، صارفین کے لیے سہ ماہی بنیادوں پر بھی بجلی کے ریٹ 1.55 روپے بڑھانے کا فیصلہ کیا گیا ہے۔
صارفین کے جولائی 2022سے ستمبر 2022تک سہ ماہی کے ریٹ اور مارچ 2023سے مئی 2023تک سہ ماہی ریٹ بڑھانے کا فیصلہ کیا گیا ہے،100یونٹس والے صارفین کے لیے بجلی سہ ماہی بنیاد پر1.55روپے مہنگی ہوگی، کے الیکٹرک صنعتی صارفین کیلئے سہ ماہی ٹیرف میں بھی 1.55روپے کا اضافہ ہوگا۔
