کراچی: پورٹ پر موجود درجنوں کنٹینرز کو کلیئرنس نہ ملنے کے باعث ملک بھر میں دالوں کی قلت کا خدشہ پیدا ہوگیا ہے۔
تفصیلات کے مطابق چیئرمین ہول سیل گروسرز ایسوسی ایشن عبدالرؤف ابراہیم نے میڈیا سے گفتگو کرتے ہوئے کہا کہ اس وقت سب سے بڑا مسئلہ ڈالر کی قلت ہے، حکومت کی جانب سے ایل سیز نہ کھولنے کے باعث دالوں سے لدے سینکڑوں کنٹینرز پورٹ پر کھڑے ہیں جس کے باعث مارکیٹ میں دالوں کی فی کلو قیمت میں بیس روپے کا اضافہ ہوگیا ہے۔
عبدالرؤف ابراہیم نے وفاقی حکومت سے مطالبہ کیا کہ پورٹ پر موجود کنٹینرز کو کلیئرنس دی جائے اگر ایسا نہ ہوا تو رمضان المبارک سے قبل دالیں،تیل اور گھی نایاب ہو جائےگا۔
یہ بھی پڑھیں: محکمہ خوراک کی غفلت سے گندم کی 10 ہزار بوریاں خراب ہوگئی
دوسری جانب دالوں،پام آئل کےکنٹینرز ریلیزنہ ہونے اور ایل سیز نہ کھولنے کیخلاف امپورٹرز نے مظاہرہ بھی کیا، انہوں نے کہا کہ روزانہ کی بنیادپرکنٹینرز کےڈیمرجزاور ڈیٹینشن چارجزمعاف کیےجائیں،چارجز معاف نہ کیےگئے تو دالوں کی قیمتیں آسمان سے باتیں کرینگی۔
امپورٹرز نے دھمکی دی کہ حکومت نے ہوش کے ناخن نہ لئے اور کنٹینرز ریلیز نہ کیے تو ہول سیل مارکیٹ بھی بند کردیں گے۔