چیئرمین تحریک انصاف عمران خان کی جانب سے توہین الیکشن کمیشن کیس پر جواب داخل کروا دیا گیا۔
عمران خان نے الیکشن کمیشن میں تحریری جواب جمع کروایا ہے جس میں کہا گیا ہے کہ الیکشن کمیشن کے پاس یہ کیس سماعت کرنےکا اختیار نہیں لہذا نوٹسز واپس لئےجائیں۔
عمران خان نے الیکشن کمیشن کےکردار کےحوالےسےبھی تحفظات کرتے ہوئے کہا کہ میری جانب سے توہین عدالت نہیں کی گئی۔
عمران خان کو توہین الیکشن کمیشن کا نوٹس چیف الیکشن کمشنر پر الزامات پر بھجوایا گیا ہے۔
ترجمان کے مطابق عمران خان کو نوٹس توہین آمیزبیانات پر جاری کیا گیا، عمران خان نے اپنی مختلف تقاریر میں غیرپارلیمانی اور توہین آمیز بیانات دئیے ہیں۔
ترجمان الیکشن کمیشن نے کہا کہ سے اسد عمر اور فواد چوہدری کو بھی طلب کیا گیا ہے۔
