کراچی : سپریم کورٹ کراچی رجسٹری میں تجاوزات کے خلاف جاری آپریشن کے معاملے پر رہنما پی ٹی آئی فردوس شمیم نقوی کیخلاف توہین عدالت کی درخواست دائر کردی گئی۔
تفصیلات کے مطابق سندھ اسمبلی میں قائد حزب اختلاف فردوس شمیم نقوی مشکل میں آگئے، تجاوزات آپریشن میں مداخلت کرنےپرفردوس شمیم نقوی کیخلاف توہین عدالت کی درخواست دائرکردی گئی،درخواست سپریم کورٹ کراچی رجسٹری میں دائرکی گئی۔
درخواست میں کہاگیا کہ فردوس شمیم نقوی نے گلشن اقبال تجاوزات آپریشن میں رکاوٹ پیدا کی، فردوس شمیم نقوی الہ دین پارک سے متصل اراضی پر کرسی ڈال کر بیٹھ گئے اور کہا مجھے سپریم کورٹ کا فیصلہ دیا جائے۔
درخواست گزار نےمزید کہا کہ فردوس شمیم نقوی عدالتی کارروائی میں مداخلت کےمرتکب ہوئے ہیں۔ لہذا اُنھیں کسی بھی عوامی عہدے کے لیے مستقل نااہل قرار دیا جائے، اور اُن کا نام ای سی ایل میں ڈالا جائے۔
