اسلام آباد : انتخابات سے متعلق فیصلے پر عمل نہ ہونے پر توہین عدالت کی درخواست آج سپریم کورٹ میں دائر کی جائے گی۔
تفصیلات کے مطابق سپریم کورٹ کے انتخابات سے متعلق فیصلے پر عمل نہ ہونے پر توہین عدالت کی درخواست تیار کرلی گئی۔
اظہر صدیق ایڈووکیٹ کی جانب سے توہین عدالت کی درخواست تیار کی گئی ہے ، درخواست میں وزیراعظم شہبازشریف اور چیف الیکشن کمشنرسکندر سلطان راجہ فریق بتایا گیا ہے۔
سیکرٹری اور الیکشن کمیشن کےچاروں ممبران سمیت قائم مقام گورنر اسٹیٹ بینک اور اٹارنی جنرل کو بھی درخواست میں فریق بنایاگیا ہے۔
درخواست میں استدعا کی گئی ہے کہ عدالتی احکامات پر عمل نہ کرنے پر وزیراعظم اور چیف الیکشن کمشنر و دیگر کیخلاف توہین عدالت کارروائی کی جائے۔
انتخابات سے متعلق فیصلے پر عمل نہ ہونے پر توہین عدالت کی درخواست آج سپریم کورٹ میں دائر کی جائے گی۔
