کوئٹہ : صوبہ بلوچستان کے دارالحکومت کوئٹہ میں نامعلوم افراد کی فائرنگ سے پولیس اہلکار جاں بحق ہوگیا۔
تفصیلات کے مطابق کوئٹہ کے علاقے نواں کلی میں نامعلوم ملزمان کی فائرنگ سے پولیس اہلکار محمد موسیٰ جان کی بازی ہار گیا۔
پولیس حکام کے مطابق اہلکار محمد موسیٰ تھانے میں ڈیوٹی پرجا رہا تھا کہ نواں کلی کے قریب نامعلوم افراد نے فائرنگ کی جس کے نتیجے میں وہ جاں بحق ہوگیا۔
فائرنگ کے واقعے کے بعد پولیس نے جائے وقوع سے شواہد اکٹھے کرکے تحقیقات کا آغاز کردیا۔
کوئٹہ میں سیکیورٹی فورسزکی گاڑی پرفائرنگ‘ 3 اہلکار شہید
یاد رہے کہ رواں سال 16 جون کو کوئٹہ میں سریاب کے علاقے کلی بنگلزئی کے قریب مسلح افراد نے سیکیورٹی فورسز کی گاڑی پر فائرنگ کردی تھی جس کے نتیجے میں 3 اہلکار شہید ہوگئے تھے۔
کوئٹہ میں سیکیورٹی فورسزکی گاڑی پرفائرنگ‘ 4 اہلکار شہید
واضح رہے کہ رواں سال 14 فروری 2018 کو صوبہ بلوچستان کے دارالحکومت کوئٹہ میں نامعلوم مسلح افراد کی سیکیورٹی فورسز کی گاڑی پرفائرنگ کے نتیجے میں ایف سی کے 4 اہلکار شہید ہوگئے تھے۔
