پولینڈ میں عالمی ماحولیاتی کانفرنس کا آغاز -
The news is by your side.

Advertisement

پولینڈ میں عالمی ماحولیاتی کانفرنس کا آغاز

یورپی ملک پولینڈ میں سالانہ عالمی ماحولیاتی کانفرنس کوپ 24 کا آغاز ہوگیا ہے۔ کانفرنس کے شرکا پر نتیجہ خیز اقدامات اٹھانے پر زور دینے کے لیے دنیا بھر میں ریلیاں اور احتجاج بھی کیے جارہے ہیں۔

24 ویں عالمی ماحولیاتی کانفرنس پولینڈ کے شہر کاٹو ویٹسا میں جاری ہے۔

یاد رہے کہ سنہ 2015 میں ہونے والی عالمی کانفرنس میں امریکا سمیت 195 ممالک نے اس بات پر اتفاق کیا تھا کہ وہ مل کر اس پر کام کریں گے کہ عالمی موسمی حدت میں ہوتے اضافے کو 2 ڈگری سے کم رکھا جاسکے۔

یہ تاریخ ساز معاہدہ پیرس معاہدے کے نام سے جانا جاتا ہے۔

تاہم سنہ 2017 میں صدر ڈونلڈ ٹرمپ نے منصب صدارت سنبھالتے ہی اس معاہدے سے علیحدگی کا اعلان کردیا اور اس سے متعلق سال کے آخر تک باضابطہ کارروائی کردی گئی، البتہ معاہدے کے تحت سنہ 2020 تک امریکا معاہدے کا حصہ رہے گا۔

امریکا کی علیحدگی ایک پریشان کن صورتحال تھی کیونکہ امریکا کاربن اخراج کرنے والا دنیا کا دوسرا بڑا ملک ہے۔

عالمی کانفرنس میں شریک سربراہان نے اس بات پر زور دیا کہ کاربن کے اخراج میں کمی کے لیے فوری طور پر مؤثر اقدامات کیے جائیں۔

دوسری جانب اجلاس کے موقع پر کئی ممالک میں مظاہرے بھی کیے جارہے ہیں جن میں مطالبہ کیا جارہا ہے کہ زمین کو بچانے کے لیے ٹھوس اور نتیجہ خیز اقدامات کیے جائیں۔

Comments

comments

یہ بھی پڑھیں