ممبئی : ہالی ووڈ فلم سیریز ہٹ مین کا چربہ کرکے فلم ہیروپنتی کا پوسٹر تیار کروا کر سوشل میڈیا پر شیئر کرنا اداکار ٹائیگر شروف کو مہنگا پڑگیا۔
بالی ووڈ فلم انڈسٹری کا ہالی ووڈ فلموں و گانوں کی کاپی کرنا پرانا کام ہے، بالی ووڈ نے ایک مرتبہ پھر ہالی ووڈ کی کاپی کرکے خود کو ہدف تنقید بنوا لیا۔
اس مرتبہ اداکار ٹائیگر شروف نے 31 ویں سالگرہ پر مداحوں کی جانب سے تنقید کا تحفہ دیا گیا، جس کی بڑی وجہ ٹوئٹر پر فلم ہیروپنتی 2 کا جاری کردہ پوسٹر بنا، جو اصل میں بالی ووڈ فلم سیریز ہٹ مین اور ویڈیو گیم سیریز کی کاپی ہے۔
My first love is back ❤️ action, thrill, like never before! Lets celebrate this one together on the 3rd of december in cinemas 🥳❤️#SajidNadiadwala’s #Heropanti2@khan_ahmedasas @WardaNadiadwala @NGEMovies pic.twitter.com/g9JyMNzhiM
— Tiger Shroff (@iTIGERSHROFF) March 2, 2021
ٹائیگر شروف نے اپنی 31 ویں سالگرہ پر فلم ہیروپنتی 2 کا پوسٹر اپنے ٹوئٹر اکاوٗنٹ پر شیئر کیا، جس میں بالی ووڈ اداکار ہٹ مین کے ایجنٹ 47 کی مانند لباس زیب تن کیے ہوئے ہیں اور بلکل اسی کی طرح ہاتھوں میں دو پستول بھی تھامی ہوئی ہے۔
ہالی ووڈ پوسٹر کا چربہ کرنے پر ٹائیگر شروف و بالی ووڈ انڈسٹری کو مداحوں و صارفین کی جانب سے شدید تنقید کا سامنا کرنا پڑتا ہے۔
