کراچی : کورکمانڈرکراچی نوید مختار کی ڈی جی رینجرز بلال اکبر سے ملاقا ت کی اور محرم میں سیکیورٹی صورت حال پر تبادلہ خیال کیا۔
تفصیلات کے مطابق کورکمانڈرکراچی لیفٹیننٹ جنرل نوید مختارنے رینجرز ہیڈ کوارٹر کا دورہ کیا جہاں ڈی جی رینجرز سندھ میجرجنرل بلال اکبرنے یوم عشورہ کی سیکیورٹی کی مناسبت سے بریفنگ دی اور سندھ رینجرز کی اب تک کی کار کردگی سے آگاہ کیا۔
یہ بھی پڑھیں : جلوس کےشرکاءخود کومحفوظ سمجھیں،ڈی جی رینجرز
کور کمانڈرنوید مختارنے ڈی جی رینجرز سے ملاقات کے دوران یوم عاشور کے موقع پرکراچی سمیت سندھ بھر کی سیکیورٹی صورتحال پر تبادلہ خیال کیا گیا اور رینجرز کی کراچی میں امن و امان کی بحالی کے لیے دی گئی قربانیوں کا سراہا اور رینجرز کی کارکردگی کو پر اطمینان کا اظہار کیا۔
اس موقع پر کورکمانڈر نوید مختار نے رینجرز ہیڈ کوارٹر میں موجود رینجرز کے جوانوں سے بھی ملاقات کی اور ان کے عزم و حوصلے کی تعریف کرتے ہوئے کہا جوانوں کو مستعد رہنے کی تلقین کی۔
قبل ازیں ڈی جی رینجرز نے وزیر اعلی سندھ کے ہمراہ کراچی سے نکلنے والے مرکزی جلوس کی گذر گاہ کی سیکیورٹی کا جائزہ لیا اور جلوس کے شرکاء سے بلا خوف و خطرجلوس اور مجالس میں شرکت کی اپیل کی۔
