The news is by your side.

چین : ایک دن میں کورونا کیسز میں ہوشربا اضافہ، ہزاروں لوگ مبتلا

 بیجنگ : چینی حکومت کی جانب سے کورونا لاک ڈاؤن کی سخت ترین پابندیوں کے باجود ہزاروں کی تعداد میں چینی شہری وائرس کا شکار ہورہے ہیں۔

تفصیلات کے مطابق چین میں کورونا وائرس کے یومیہ ریکارڈ نے حکومت کو مشکل میں ڈال دیا، گزشتہ24 گھنٹوں کے دوران ملک بھر میں 31 ہزار سے زائد کیسز رپورٹ ہوئے جو اب تک کی سب سے بڑی شرح ہے۔

غیر ملکی خبررساں ادارے کی رپورٹ کے مطابق چین میں سخت زیرو کووڈ پالیسی کے باوجود کرونا زور پکڑنے لگا، ایک دن میں ریکارڈ 31 ہزار سے زائد کیسز رپورٹ کیے گئے۔

شنگھائی لاک ڈاؤن: چین میں بےروزگاری انتہائی بلند سطح پر - BBC News اردو

چین میں کوویڈ19 کے آغاز کے بعد سے اب تک آج کی تاریخ میں سب سے زیادہ کیسز سامنے آئے ہیں، 24 گھنٹوں میں 31ہزار 527 افراد کرونا میں مبتلا ہوگئے۔

رپورٹ کے مطابق کورونا کے سب سے زیادہ مریض دارالحکومت بیجنگ اور تجارتی حب گوانگ ژو میں سامنے آئے جبکہ دیگر شہروں میں بھی سینکڑوں کیسز رپورٹ ہورہے ہیں۔

کورونا بحران: چین میں وبا کے آغاز سے اب تک کے سب سے زیادہ کیسز، ڈبلیو ایچ او کا چوتھی لہر کا انتباہ

چین کے شہر زینگژو میں لاک ڈاؤن نافذ کرکے لوگوں کو گھروں میں رہنے کی سختی سے ہدایت کی گئی ہے۔ یاد رہے کہ گزشتہ دنوں چین نے کوویڈ کی پابندیوں میں کچھ نرمی کی تھی جس کے بعد کورونا کیسز میں تیزی آئی۔

میڈیا رپورٹس کے مطابق جاری کردہ ہدایت میں شہریوں کو عوامی مقامات، اجتماعات اور ریسٹورنٹس جانے سے گریز کرنے کا کہا گیا ہے۔

چین: لاک ڈاؤن کے باوجود کورونا کیسز کی 6 ماہ میں بلند ترین سطح

خبرایجنسی کے مطابق زہینگزہو میں موبائل فون فیکٹری کے 20 ہزار سے زائد ملازمین ملازمت چھوڑ کرچلے گئے۔ ملازمین نے دو روز قبل تنخواہوں کی عدم فراہمی، کورونا پابندیوں کیخلاف احتجاج کیا تھا۔

Comments

یہ بھی پڑھیں