تیونس : شمالی افریقی ملک تیونس میں کرونا کیسز پھر بڑھنے لگے، حکومت نے پورے ملک کو بند کرنے کا فیصلہ کرلیا۔
غیر ملکی خبر رساں ادارے کی رپورٹ کے مطابق کرونا وائرس کی مہلک ترین وبا کی دوسری لہر دنیا بھر میں پھیل رہی ہے، دیگر ممالک کی طرح شمالی افریقی ملک تیونس میں بھی کرونا وبا دوبارہ سر اٹھا رہی ہے۔
وزیراعظم ہشام المشیشی نے کرونا وبا سے بچاو کےلیے آئندہ دو ہفتوں کےلیے آج منگل سے مکمل لاک ڈاون کا اعلان کردیا ہے۔
- Advertisement -
میڈیا رپورٹس کے مطابق اب تک 40 ہزار سے زیادہ افراد کرونا وائرس کا شکار ہوچکے ہیں اور تعداد میں روزانہ کی بنیاد پر اضافہ ہو رہا ہے اسی لیے حکومت کی جانب سے بڑھتے ہوئے کیسز کے پیش نظر دوبارہ لاک ڈاؤن اور کرفیو کا فیصلہ کرنا پڑ رہا ہے۔
واضح رہے کہ تیونس میں کورونا کے مریضوں کی تعداد 42727 ہوگئی ہے جبکہ 687 افراد ہلاک ہوچکے ہیں۔
