The news is by your side.

Advertisement

کورونا کیسز میں اضافہ، بھرتی ہونے والی نرسوں کو فوری طلب کرلیا گیا

کراچی : سندھ میں کرونا کیسز کی تعداد میں اضافے کے پیش نظر محکمہ صحت نے نئے بھرتی اسٹاف نرسز کو فوری طور پر ڈیوٹی جوائن کرنے کی ہدایت کردی۔

تفصیلات کے مطابق محکمہ صحت سندھ نے نئے بھرتی اسٹاف نرسز کی فوری تعیناتی کا سرکلر بھی جاری کردیا گیا ہے، جس میں نرسز کو فوری طور پر ڈیوٹی پر آنے کی ہدایت کی گئی ہے۔

نوٹیفیکیشن میں کہا گیا ہے کہ تمام اسٹاف نرسز ڈیوٹی پر حاضر ہوں، کرونا وائرس کے باعث نرسز ایک دن بھی تاخیر نہ کریں، صوبے میں ڈیزیز ایکٹ نافذ ہے۔

سرکلر میں کہا گیا ہے کہ اگر کوئی سنجیدہ نہیں ہوگا تو اس کی تقرری منسوخ کی جاسکتی ہے۔

خیال رہے کہ کچھ روز قبل ہی محکمہ صحت سندھ کی جانب سے سندھ پنلک سروس کمیشن نے بی ایس 16 اسٹاف نرسز کو بھرتی کیا ہے۔

واضح رہے کہ سندھ میں کرونا وائرس کیسز کی تعداد 1 لاکھ 81 ہزار تک پہنچ گئی ہے تاہم خوس قسمتی سے 1 لاکھ 57 ہزار مریض کرونا سے صحتیاب ہوچکے ہیں لیکن 2991 کرونا مریض لقمہ اجل بن گئے۔

Comments

یہ بھی پڑھیں