جمعرات, اپریل 3, 2025
اشتہار

آئی بی اے کراچی کیمپس کے 2 طالبعلموں میں کورونا کی تصدیق ، تدریسی عمل دو دن کیلئے معطل

اشتہار

حیرت انگیز

کراچی :انسٹیٹیوٹ آف بزنس ایڈمنسٹریشن (آئی بی اے ) کے کراچی کیمپس کے 2 طالبعلم کورونا کا شکار ہوگئے، جس کے باعث تدریسی عمل دو دن کیلئے معطل کردیا گیا ہے۔

تفصیلات کے مطابق آئی بی اے کراچی کیمپس کے دو طالبعلموں میں کوویڈ پازیٹو کی تصدیق ہوگئی ، کیمپس ذرائع کا کہنا ہے کہ طالبعلموں کا تعلق لاہور اور اسلام آباد سے ہے، طالبعلم آئی بی اے کراچی کے ہاسٹل میں رہائش پزیر ہیں۔

آئی بی اے کراچی کیمپس اور سٹی کیمپس میں تدریسی عمل دو دن کیلئے معطل کردیا گیا ہے جبکہ دونوں طالبعلموں کو ہاسٹل کے آئسولیشن روم میں منتقل کردیا گیا ہے۔

آئی بی اے میں 14ستمبر سے ڈسٹرکٹ ہیلتھ آفیسر کے تعاون سے کورونا ٹیسٹنگ کا عمل جاری ہے ،ایس او پی کو مزید موثر بنایا جائے گا، آئی بی اے کے دونوں کیمپس کے گرلز اور بوائز ہاسٹلز میں آئسولیشن روم کی سہولت موجود ہے۔

ترجمان کے مطابق آئی بی اے کراچی کیمپس اور سٹی کیمپس انتظامی سرگرمی معمول کے مطابق کھلے رہیں گے۔

اہم ترین

انور خان
انور خان
انور خان اے آر وائی نیوز کراچی کے لیے صحت، تعلیم اور شہری مسائل پر مبنی خبریں دیتے ہیں

مزید خبریں