کراچی: محکمہ صحت سندھ نےکورونا وائرس کے پیش نظر تعلیمی اداروں کیلئےہیلتھ ایڈوائزری جاری کر دی۔
ہیلتھ ایڈوائزری کے مطابق 15سے20دن پہلےبیرون ممالک سےآنے والے بچے اسکول نہ آئیں، کسی طالبعلم یااسٹاف میں وائرل کی علامات ہیں تو اسکول میں داخلہ منع ہے۔
ایڈوائزری میں کہا گیا ہے کہ وہ طالبعلم بھی اسکول نہ آئیں جس کے عزیز و اقارب 15دن پہلے بیرون ملک سے آئے ہوں، سانس کےامراض میں مبتلا افراد کا بھی اسکول میں داخلہ منع ہے۔
ہدایات کے مطابق تمام طلبہ کا ہجوم والی جگہوں پر جانا ممنوع ہے، طلبہ ایک دوسرے سے ڈیسک پر 3 فٹ کے فاصلے سے بیٹھیں،کھانسی اورچھینک کے درمیان منہ ضرور ڈھانپیں۔
ایڈوائزری کے مطابق تمام طلبہ صابن ، سینٹائزر اور پانی کا استعمال کریں، تمام تعلیمی اداروں میں ہیلتھ ڈیسک کا قیام ضروری ہے اور طلبہ معلومات کیلئےکوروناوائرس کنٹرول روم سے رابطہ کریں۔
یہ بھی پڑھیں: تمام اسکولز 16 مارچ سے ہی کھلیں گے، وزیر تعلیم سندھ
وزیرتعلیم سندھ سعید غنی نے اعلان کیا کہ تمام اسکولوں کی چھٹیاں 15 مارچ سے ختم ہوجائیں گی اور 16 مارچ سے اسکولوں میں تدریس شروع ہو گی۔
ان کا کہنا ہے کہ تمام اسکولز اعلان کردہ تاریخ پر کھولے جائیں اور درس و تدریس کا عمل شیڈول کے تحت چلایا جائے۔
واضح رہے کہ سندھ میں کورونا وائرس کے مریضوں کی تعداد 13 ہے، تمام متاثرہ افراد بیرون ملک کا سفر کر کے لوٹیں ہیں اور اب تک مہلک وائرس کا کسی ایک شخص سے دوسرے میں منتقل ہونے کا کوئی کیس سامنے نہیں آیا۔
