The news is by your side.

Advertisement

کورونا لاک ڈاؤن : وہ ملک جہاں غرباء کے لئے چاول کے ‘اے ٹی ایم’ بنوائے گئے

ہنوئی : ویت نام میں کرونا وائرس کی وجہ سے نافذ کیے جانے والے لاک ڈاؤن میں غریب عوام کی پریشانی کو مدنظر رکھتے ہوئے مشینوں کے ذریعہ چاول کی فراہمی شروع کر دی گئی۔

تفصیلات کے مطابق ویت نام میں عوام کی پریشانی کو ملحوظ خاطر رکھتے ہوئے لاک ڈاؤن کے دوران شہریوں کو جدید انداز میں چاولوں کی فراہمی شروع کی ہے۔

میڈیا رپورٹس کے مطابق مخیر افراد نے ویتنام کے دارالحکومت ہنوئی میں مختلف مقامات پر غریبوں کے لیے چاولوں کی اے ٹی ایم مشینیں نصب کر دی ہیں، جہاں سے غریب اور ضرورت مند افراد چاول حاصل کر سکتے ہیں۔

اس دوران سماجی فاصلے کی ہدایت پر بھی سختی سے عمل درآمد کیا جا رہا ہے، صبح 8 بجے سے شام 5 بجے تک چاولوں کی مشینوں سے بیگز بھرے جا سکتے ہیں جس کے لیے ضروری ہے کہ تمام افراد 6 فٹ کے فاصلے پر کھڑے ہوں اور ان کے ہاتھ سینیٹائزڈ ہوں۔

میڈیا رپورٹس کے مطابق ہنوئی کے علاوہ ملک کے دیگر مقامات پر بھی راشن کی فراہمی کے لیے اے ٹی ایم مشینیں نصب کی جا رہی ہیں، جہاں سے لوگ مفت راشن حاصل کررہے ہیں۔

 

Comments

یہ بھی پڑھیں