لاہور : پاکستان میں کرونا ٹیلی میڈیسن اور ہیلپ لائن آج سے کام شروع کردےگی ، جس کی مدد سے کرونا کے مریضوں کا اسپتالوں کی بجائے گھروں میں معائنہ ممکن ہوسکے گا۔
تفصیلات کے مطابق پنجاب حکومت نے کرونا کے مریضوں کا اسپتالوں کی بجائے گھروں میں چیک اپ کرنے کا منصوبہ تیار کرلیا ہے ، ’’کورونا ٹیلی میڈیسن اور ہیلپ لائن‘‘آج سےکام شروع کردےگی۔
گورنر پنجاب چوہدری سرور یو ایچ ایس میں ویب پورٹل اورہیلپ لائن کا افتتاح کر یں گے، چوہدری سرور کا کہنا ہے کہ عوام کوکرونا سےبچاؤکےلیےحفاظتی تدابیرپر100فیصدعمل کرنا ہوگا۔
گورنرپنجاب کا کہنا تھا کہ منصوبےسےکورونا مر یضوں کاآن لائن طر یقے سےفوری چیک اپ ہوگا ہیلپ لائن سےکورونا کے شکار افراد کی بھر پور مدد کی جائےگی۔
گذشتہ روز وی سی یو ایچ ایس پروفیسرجاویداکرم نے کہا تھا کہ آن لائن معائنےاورمشورےکیلئےیوایچ ایس ٹیلی میڈیسن پورٹل قائم کردیا گیا ہے ، آن لائن پورٹل کے لیے 6رکنی کمیٹی تشکیل دے دی ہے۔
پروفیسر جاویداکرم کا کہنا تھا کہ کروناوائرس پرلوگوں میں بڑی غلط فہمیاں ہیں، کرونا ڈینگی کی طرح نہیں جوگرمی سےختم ہوجائے، وائرس سے بچاؤ کے لیے صفائی کو بہتر بنانا ہوگا۔
وی سی یوایچ ایس نے کہا تھا پورٹل سےمشتبہ مریضوں کاگھربیٹھےمعائنہ ممکن ہوگا، یو ایچ ایس میں ہینڈسینی ٹائیزرتیارکیاجائےگا، گورنرپنجاب نےسینی ٹائززکےلیےفنڈزدینےکاوعدہ کیاہے، یوایچ ایس کاتیارسینی ٹائیزرڈبلیوایچ اوکی ہدایات کےمطابق ہے۔
0
20
