The news is by your side.

Advertisement

اسلام آباد یونائیٹڈ کے ایک کھلاڑی کا کورونا ٹیسٹ مثبت آگیا، میچ میں تاخیر

کراچی: پی ایس ایل 6 میں اسلام آباد یونائیٹڈ کے کھلاڑی فواد احمد کا کورونا ٹیسٹ مثبت آگیا۔

اے آر وائی نیوز کی رپورٹ کے مطابق اسلام آباد یونائیٹڈ اور کوئٹہ گلیڈی ایٹرز کے درمیان کھیلے جانے والا میچ اسلام آباد یونائیٹڈ کےپاکستانی نژاد آسٹریلوی اسپنر فواد احمدکے کورونا ٹیسٹ مثبت آنے کے باعث تاخیر کا شکار ہوگیا، پی سی بی کا کہنا ہے کہ میچ رات 9 بجے شروع ہوگا۔

ذرائع کا کہنا ہے کہ کوئٹہ گلیڈی ایٹرز اور اسلام آباد یونائیٹڈ کا میچ دو گھنٹے تاخیر سے شروع ہوگا، واضح رہے کہ دونوں ٹیموں کے درمیان میچ 7 بجے شروع ہونا تھا۔

ذرائع کے مطابق طریقہ کار مکمل ہونے کے بعد ٹیمیں ہوٹل سے اسٹیڈیم پہنچیں گی، تمام کھلاڑیوں کی دوبارہ کورونا ٹیسٹنگ کا عمل جاری ہے۔

ذرائع نے بتایا ہے کہ کورونا ٹیسٹ مثبت آنے کے بعد کھلاڑیوں کی ریپڈ ٹیسٹ بھی شروع کردی گئی ہے جس کے نتائج 10 منٹ سے لے کر 30 منٹ میں آجاتے ہیں۔

پی سی بی کی جانب سے کورونا ٹیسٹ مثبت آنے والے کھلاڑی کا نام نہیں بتایا گیا ہے۔

Comments

یہ بھی پڑھیں