اسلام آباد: کرونا وبا کی چوتھی لہر کا مقابلہ کرنے کے لئے قوم میں نیا جذبہ بیدار ہوچکا، گذشتہ سولہ دنوں میں ایک کروڑ افراد نے ویکسین لگاکر یہ ظاہر کردیا کہ قوم کرونا وبا کے خلاف سنجیدہ ہے۔
تفصیلات کے مطابق این سی او سی کے سربراہ اسد عمر نے سماجی رابطے کی ویب سائٹ ٹوئٹر جاری اعداد وشمار میں بتایا کہ پاکستان میں ویکسی نیشن تین کروڑ سے تجاوز کرگئی۔
اسد عمر نے بتایا کہ گذشتہ ہفتے ملک میں ویکسی نیشن تیزی سے بڑھی اور ہفتے کے چھ روز میں ریکارڈ بنے، گزشتہ چھ دن میں ریکارڈ پچاس لاکھ ویکسین لگائی گئی جبکہ گزشتہ روز نو لاکھ 34 ہزار ویکسی نیشن کا نیا ریکارڈ بنا۔
این سی او سی سربراہ نے بتایا کہ پاکستان میں پہلی ایک کروڑ ویکسی نیشن میں 113 دن لگے، ویکسی نیشن کا دوسرا کروڑ ہونے میں 28 دن لگے جبکہ تین کروڑ ویکسی نیشن ہونےمیں صرف 16 دن لگے۔
واضح رہے کہ حکومت پاکستان نے رواں سال کے آخر تین سات کروڑ پاکستانیوں کو کرونا ویکسین لگانے کا ہدف مقرر کررکھا ہے۔
Pakistan has crossed 3 crore vaccinations. The first crore took 113 days. The second 28 days and the 3rd only 16 days. Pace has rapidly increased. All 6 days this week were a record. 9 lakh 34 thousand vaccinations yesterday . In last 6 days 5 million vaccinations were done.
— Asad Umar (@Asad_Umar) August 1, 2021
