اسلام آباد: وفاقی وزیر اسد عمر کا کہنا ہے کہ آج وزیراعظم کی موجودگی میں کورونا ویکسین لگانے کا آغاز ہو گا،سب سے پہلے ویکسین فرنٹ لائن ہیلتھ ورکرز کو لگائی جائے گی۔
تفصیلات کے مطابق وفاقی وزیر اسد عمر نے سماجی رابطے کی ویب سائٹ ٹوئٹر پر اپنے بیان میں کہا کہ آج وزیراعظم کی موجودگی میں کورونا ویکسین لگانے کا آغاز ہو گا، انشااللہ کل تمام صوبائی دارالحکومت میں ویکسی نیشن شروع ہو جائے گی، سب سے پہلے ویکسین فرنٹ لائن ہیلتھ ورکرز کو لگائی جائے گی۔
آج وزیراعظم کی موجودگی میں کرونا ویکسین لگانے کی مہم کا آغاز ہو گا اور انشاءاللہ کل تمام صوبائی دارالحکومت میں قومی کرونا ویکسینیشن مہم شروع ہو جائے گی. سب سے پہلے ویکسین فرنٹ لائن ہیلتھ ورکرز کو لگائ جائے گی
— Asad Umar (@Asad_Umar) February 2, 2021
یاد رہے پاک فضائیہ کاخصوصی طیارہ چین سےکوروناویکسین کی پہلی کھیپ لےکرپہنچ چکا ہے ، کورونا ویکسین کوای پی آئی کےمرکزی اسٹوریج سینٹر میں منتقل کیا جائے گا۔
این سی او سی کا کہنا تھا کہ ہیلتھ گائیڈلائنزمدنظررکھتےہوئےویکسین وفاقی اکائیوں کو فراہم کی جائےگی، ویکسین کی منتقلی کے پلان کواین سی او سی حتمی شکل دےچکا ہے، وقت بچانے کے لئے سندھ ، بلوچستان اور جی بی کوویکسین طیاروں سےفراہم کی جائے گی۔
