واشنگٹن : کورونا وبا کے پھیلاؤ میں اضافہ کے خدشے کے پیش نظر امریکا میں بالغ افراد کے لیے بوسٹر شاٹ کی اجازت میں توسیع کردی گئی ہے۔
غیر ملکی خبر رساں ادارے کی رپورٹ کے مطابق امریکا نے 18سال اور اس سے زائد عمر کے افراد کے لیے اینٹی کوویڈ19 ویکسین کے بوسٹر شاٹ کی اجازت میں توسیع کردی ہے۔
واشنگٹن سے موصولہ اطلاعات کے مطابق فائزر اور موڈرنا وکیسینز کی دو خوراکیں لینے کے 6 ماہ بعد بوسٹر شاٹس لگائی جائیں گی۔
اس حوالے سے امریکی دوا ساز ادارے موڈرنا کے سی ای او کے مطابق ملک میں کورونا وائرس کے کیسز اور اسپتالوں میں مریضوں کی تعداد میں تشویشناک حد تک اضافہ ہوا ہے۔
