The news is by your side.

Advertisement

چینی ویکسین سے متعلق خوش خبری

اسلام آباد: دیرینہ دوست چین کی جانب سے پاکستان کو کرونا وبا سے بچاؤ کی ویکسین فراہمی کا سلسلہ جاری ہے۔

ذرائع کے مطابق چین سے کرونا ویکسین کی بھاری کھیپ اسلام آباد پہنچ گئی، پی آئی اے کی پرواز بیس لاکھ ڈوز لیکر اسلام آباد پہنچ گئی ہے، جسے فیڈرل ای پی آئی کے مرکزی ویئر ہاؤس منتقل کردیا گیا ہے۔

ذرائع کا کہنا ہے کہ پاکستان نے بیس لاکھ کرونا ویکسین ڈوز خریدی ہے، چین سے مزید بیس لاکھ سائنو ویک ڈوز کل اسلام آباد لائی جائے گی،جسے حسب ضرورت صوبوں کو فراہم کی جائے گی۔

یاد رہے کہ رواں ماہ دوکروڑ سےزائد کرونا ویکسین ڈوزپاکستان پہنچ چکی ہیں، ماہ اگست میں مجموعی طور پر تین کروڑ سے زائد ویکسین ڈوز پاکستان لائی جائیں گی۔

یہ بھی پڑھیں:کرونا وائرس: 24 گھنٹوں کے دوران 3 ہزار سے زائد نئے کیسز رپورٹ

واضح رہے کہ سائنوفام کمپنی کی مزید 20 لاکھ ویکسینز چودہ اور پندرہ اگست کی درمیانی شب پاکستان پہنچیں تھیں، سائنوفام ویکسینز کوویکس پروگرام کی جانب سے پاکستان کو دی گئی تھیں۔

ذرائع کے مطابق کوویکس رواں ہفتے پاکستان کو 20 لاکھ سے زائد ویکسین ڈوز فراہم کر چکا ہے اور مزید چھ لاکھ سائنوفام ڈوز آئندہ ہفتے فراہم کرے گا، کوویکس رواں ماہ پاکستان کو مجموعی طور پر 61 لاکھ کرونا ویکسین ڈوز فراہم کرے گا۔

Comments

یہ بھی پڑھیں