دنیا بھر میں گزشتہ چار ہفتوں کے دوران کورونا وائرس سے 64 ہزار سے زائد افراد کے ہلاک ہونے کی اطلاعات ہیں۔
اس حوالے سے جان ہاپکنز یونیورسٹی کی جانب سے منگل کو جاری اعداد و شمار کی رپورٹ کے مطابق کورونا وبا کے اتار چڑھاؤ کی نئی صورتحال کے دوران گزشتہ ایک ماہ میں 64029 افراد موت کا شکار بن گئے۔
رپورٹ کے مطابق گزشتہ 28 دنوں میں کورونا کے 20520411 نئے معاملے سامنے آئے ہیں، دنیا میں کورونا سے متاثرہ افراد کی کل تعداد 605577251 تک پہنچ گئی ہے۔
تازہ ترین صورتحال میں اس دوران 64029 افراد ہلاک جبکہ اس وبا سے دنیا بھر میں اب تک 6503412 افراد ہلاک ہوچکے ہیں۔
اعداد و شمار کے مطابق امریکہ میں گزشتہ چار ہفتوں میں 13507 افراد ہلاک ہوئے، اس کے بعد جاپان میں 7401،جرمنی میں 2904، اٹلی میں 2696، روس میں 1935، جنوبی کوریا میں 1857۔افراد جان کی بازی ہار گئے۔
اس کے علاوہ آسٹریلیا میں 1742، اسپین میں 1710، فرانس میں 1652، ایران میں 1526، ہندوستان میں 1308اور میکسیکو میں 1302 لوگوں کی اس وائرس سے اموات ہوئی ہیں۔
