The news is by your side.

Advertisement

کورونا وائرس کے موضوع پر ڈرامہ سیریز کی شوٹنگ

کورونا وائرس کی عالمی جان لیوا وبا کی وجہ سے کروڑوں شائقین فلمیں دیکھنے سے محروم ہوگئے ہیں لیکن دوسری جانب فلمساز بھی پیچھے نہیں ہٹے اب انہوں نے اسی وائرس کے عنوان سے ڈرامہ سیریز بنانے کی تیاریاں شروع کردی ہیں۔

اس حوالے سے مصر کے ایک معروف اداکار نے اعلان کیا ہے کہ وہ اس وائرس کے موضوع پر ایک ڈرامہ سیریز بنائیں گے جس کیلئے انہوں نے شوٹنگ کا اعلان بھی کردیا ہے۔

مصری اداکار یوسف الشریف نے اس سیریل کا نام کوویڈ 19 کے بجائے کوویڈ 25رکھا ہے، اس ڈرامہ سیریز کی کہانی مصنفہ انجی علا نے لکھی ہے جبکہ پروڈکشن کی ذمہ داریاں احمد نادر جلال نبھائیں گے۔

یہ ڈراما آئندہ ماہ ریلیز کیا جائے گا اور اس کی پروڈکشن کے لیے ‘سیزجی’ نامی کمپنی کی خدمات حاصل کی جائیں گی۔ اس ڈرامے کا پوسٹر بھی جاری کردیا گیا ہے، پوسٹر میں موجود ان 3 افراد نے وبا سے بچاؤ کے لیے پرسنل پروٹیکٹو ایکوئمپنٹ (پی پی ایز) پہنی ہوئی ہے۔

ڈراما سیریز کے جاری کردہ پوسٹر میں اداکار یوسف الشریف کے جسم کا بالائی حصہ نظر آرہا ہے جبکہ ان کے علاوہ 3 افرا کو بھی دکھایا گیا ہے۔

اس کے ساتھ ہی پوسٹر پر انگریزی میں لکھا ہے کہ یعنی ‘ نہ دیکھیں، یہ آرہا’ ہے جس سے یہ عندیہ ملتا ہے کہ یہ ڈراما سیریز دنیا میں جاری عالمی وبا پر نہیں بلکہ مستقبل میں کورونا ہی کی طرح کی کسی وبا کی پیش گوئی پر مبنی ہے۔

رپورٹ کے مطابق اس ڈراما سیریز پر لوگوں ‌کی مختلف رائے کا اظہار سامنے آیا ہے بعض افراد نے فلم پر تنقید کی ہے تاہم دوسری جانب کچھ نے اس کوشش کو سراہا بھی ہے۔

خیال رہے کہ رواں برس کورونا وائرس کے پھیلاؤ کے بعد یہ انکشاف سامنے آیا تھا کہ اداکار اسٹیون سودربرگ کی 2011 کی تھرلر فلم ‘کونٹیجن’ میں وبا کے پھیلنے والے حالات دکھائے گئے تھے جو دنیا میں حال ہی میں پیش آنے والی صورتحال سے ملتے جلتے تھے۔

Comments

یہ بھی پڑھیں