منگل, مئی 21, 2024
اشتہار

کورونا وائرس: حکومت کا طلبا کے حوالے سے بڑا فیصلہ

اشتہار

حیرت انگیز

ریاض: سعودی حکومت نے پرائمری اور نرسری اسکولوں میں طلبا کی حاضری کا فیصلہ کر لیا ہے۔

عرب میڈیا کی رپورٹ کے مطابق کورونا وائرس کے پیش نظر مملکت میں پرائمری اور نرسری کے طلبا کی آن لائن پڑھائی کا سلسلہ جاری تھا تاہم اب حکومت نے بچوں کی حاضری یقینی بنانے کا فیصلہ کیا ہے۔

رپورٹ میں بتایا گیا کہ سعودی وزارت تعلیم اور صحت عامہ اتھارٹی نے مشترکہ طور پر بچوں کی تعلیمی اداروں میں حاضری پر رضامندی ظاہر کی۔

- Advertisement -

مملکت کی وزارت تعلیم کا کہنا ہے کہ مڈل اور ہائی اسکولوں میں طلبا کی حاضری کا تجربہ کامیاب رہا جسے مدنظر رکھتے ہوئے اب پرائمری اور نرسری کے بچوں کو بھی اسکولوں میں بلانے کی اجازت دی گئی۔

وزارت نے بتایا کہ تمام پرائمری اور نرسری اسکولوں میں طلبا کی حاضری 23 جنوری سے ہوگی۔

البتہ وہ طالب علم جنہیں صحت کے مسائل ہوں انہیں حاضری سے استثنیٰ دیا گیا ہے، اس صورت میں مذکورہ زمروں کے طلبا آن لائن تعلیم جاری رکھ سکیں گے۔

سعودی حکومت نے پابند کیا ہے کہ تعلیمی مراکز پر حاضری کی صورت میں ایس او پیز پر لازمی عمل کرنا ہوگا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں