آندھرا پردیش : بھارت میں پولیس نے عوام تک آگہی پیغام پھیلانے کیلئے انوکھا طریقہ کار اختیار کیا ہوا ہے، پولیس اہلکار نےکرونا وائرس سے مشابہ پینٹ والے گھوڑے پر سوار ہوکر آگاہی دی جسے تنقید کا نشانہ بنایا جارہا ہے۔
تفصیلات کے مطابق کرونا وائرس کے پھیلاؤ سے پریشان بھارت میں بھی لاک ڈاؤن ہے، ایسے میں پولیس نے عوام تک اپنا آگاہی پیغام پھیلانے کیلئے انوکھا طریقہ کار اختیار کیا ہوا ہے۔
آندھرا پردیش کے کرنول ضلع کے پیپولی منڈل میں وہاں کے مکینوں نے گزشتہ روز ایک گھوڑے پر سوار پولیس افسر سب انسپکٹر ماروتی شنکر کو دیکھا۔
Poor horse
Animals don't have rights
Neither can they protest
Where is @peta @PetaIndia ?
If you are looking for novel methods of creating awareness wear a a #COVID19 helmet
Leave the animals alone https://t.co/8NAL6SpNet— Leena Mathew (@leenasind) March 31, 2020
اس کی خاص بات یہ تھی کہ یہ پولیس اہلکار کرونا وائرس کی تصویروں سے رنگے ہوئے ایک گھوڑے پر سوار تھا اور لوگوں کو کرونا وائرس سے بچاؤ سے متعلق احتیاطی تدابیر سے آگاہ کررہا تھا۔
اس حوالے سے بھارتی میڈیا کا کہنا ہے کہ پولیس کی جانب سےاس اقدام پر عوامی حلقوں کی جانب سے تنقید کی جارہی ہے، سوشل میڈیا پر صارفین کا کہنا ہے کہ کہ یہ جانوروں پر ظلم کے مترادف ہے۔
What a way of spreading awareness#IndiaFightsCorona https://t.co/oub2l2T2SU
— Dr Gyan Mishra #StayHomeSaveLives (@DrGyanBharat) March 31, 2020
گھوڑے پر وائرس کی شکل سے مشابہ پینٹنگ پر سب انسپکٹر ماروتی شنکر نے بتایا کہ دیہات میں لوگوں کو سیل فون اور ٹیلی ویژن تک آسانی سے رسائی حاصل نہیں ہے لہذا اس گھوڑے کو وائرس کی علامتی شکل کے طور استعمال کیا گیا تھا تاکہ وہ اس کے بارے میں جان سکیں۔
یاد رہے کہ اس سے قبل چنائی میں ایک پولیس اہلکار کو انفیکشن کے بارے میں شعور بیدار کرنے کے لئے کورونا وائرس کی شکل سے مشابہ ہیلمٹ پہنے دیکھا گیا تھا۔
اس کے علاوہ پولیس افسر مختلف علاقوں میں شہریوں کی بوریت دور کرنے اور انہیں ترغیب دینے کیلئے مختلف گانے گا کر انہیں گھروں میں رہنے کیلئے زور دے رہے ہیں۔
