ابو ظبی : متحدہ عرب امارات میں کورونا وائرس نے متعلق غلط افواہیں پھیلانا جرم بن گیا، جرم کے مرتکب افراد پر جرمانہ عائد ہوگا۔
غیر ملکی خبر رساں ادارے کی رپورٹ کے مطابق متحدہ عرب امارات کی وزارت صحت کی جانب سے جاری اعلامیے میں بتایا گیا ہے کہ چین کے شہر ووہان سے پھیلنے والے ہلاکت خیز وائرس کورونا نے یو اے ای میں بھی پانچ افراد کو متاثر کیا ہے۔
اماراتی حکام کی جانب سے چین سے شروع ہونے والے مہلک ترین وائرس سے متعلق کسی بھی قسم کا مذاق، جھوٹی افواہ، اطلاعات پھیلانا جرم قرار دیا گیا ہے جبکہ سوشل میڈیا پر افواہیں پھیلانا انفارمیشن ٹیکنالوجی کرائمز کے زمرے میں آئے گا۔
مقامی خبر رساں ادارے کی رپورٹ میں بتایا گیا ہے نئے قانون کے مطابق غلط افوایئں پھیلانے کی سزا کم از کم چھ ماہ قید اور ڈیڑھ لاکھ درہم سے 5 لاکھ درہم تک جرمانہ ہے یا دونوں سزاﺅں میں سے کسی ایک پر بھی اکتفا کیا جاسکتا ہے۔
پولیس نے مقامی نے ریاست میں موجود تمام ملکی و غیر ملکی افراد کو خبردار کردیا ہے کہ ‘وہ سوشل میڈیا پر ایسا کوئی وڈیو پھیلانے نہ کریں جس میں ملک میں کورونا وائرس پھیلنے کا دعویٰ کیا جارہا ہو’۔
متحدہ عرب امارات: ایک اور شخص میں کورونا وائرس کی تصدیق
اماراتی پولیس کی جانب سے جاری اعلامیے میں کہا گیا ہے کہ عوام میں خوف و ہراس پھیلانے اور امن و عامہ کو خراب کرنے کی اجازت نہیں دی جائے گی۔
