The news is by your side.

Advertisement

کورونا وائرس : سعودی وزیر صحت نے پیغام جاری کردیا

ریاض : سعودی وزیر صحت نے مقامی شہریوں اور غیر ملکیوں سے اپیل کی ہے کہ کورونا وائرس سے بچنے کیلئے چار باتیں اختیار کریں، اس سے بچاؤ کیلیے سب کا تعاون ضروری ہے۔

یہ بات ڈاکٹر توفیق الربیعہ نے سماجی رابطے کی ویب سائٹ ٹوئٹر پر اپنے ویڈیو پیغام میں کہی، سعودی وزیر صحت ڈاکٹر توفیق الربیعہ نے کہا کہ جان لیوا کورونا وائرس پوری دنیا میں بہت تیزی سے پھیل رہا ہے اور ہم بھی اس دنیا کا حصہ ہیں، ہماری قیادت اور ہماری حکومت نے آپ کی سلامتی کے لیے کئی حفاظتی اقدامات کیے ہیں۔

وزیر صحت نے کہا کہ یہ ہم سب کے لیے بڑا چیلنج ہے جس میں کامیابی کیلئے ہم سب کا تعاون ضروری ہے، چار باتیں ہیں جن پر عمل کرنا نہایت ضروری ہے۔

پہلی چیز یہ ہے کہ مصافحہ کرنے سے مکمل طور پر اجتناب کریں، ہاتھوں کو جراثیم کش اور صابن سے اچھی طرح دھوئیں۔
ہم کو معلوم ہونا چاہئے کہ وائرس کی منتقلی کا سب سے بڑا ذریعہ ہاتھ ہیں، چنانچہ ان کی صفائی کا خاص خیال رکھنا ضروری ہے

انہوں نے کہا کہ بھیڑ بھاڑ میں جانے سے بچیں، لوگ بڑی تعداد میں ایک جگہ جمع نہ ہوں کیونکہ اس طرح وائرس کی منتقلی آسانی سے ہوتی ہے۔

اور آخری چیز یہ ہے کہ اگر آپ کرونا وائرس کی علامات محسوس کریں یا بیرون ملک سے آئے ہیں تو خود کو ایک کمرے تک محدود رکھیں،14 دن کے لیے کسی سے میل ملاپ نہ کریں۔ یہ آپ کی اور دوسرے لوگوں کی سلامتی کے لیے ضروری  ہے۔

سعودی وزیر صحت نے شہریوں سے زور دے کر اپیل کی کہ یہ قومی فریضہ ہے جس میں سب کا تعاون مطلوب ہے، ہم سب اس فریضے کو ادا کرنے کے ذمہ دار ہیں، ہم سے براہ راست رابطہ کریں، ہم آپ کی خدمت کے لیے موجود ہیں۔

fb-share-icon0
Tweet 20

Comments

comments

یہ بھی پڑھیں