The news is by your side.

Advertisement

بھارت میں کرونا وائرس پھیلانے والی عورتوں کا انکشاف، ویڈیو وائرل

نئی دہلی : بھارت میں کرونا وائرس پھیلانے والی عورتوں کا انکشاف ہوا ہے، گھروں میں تھوکنے والی سی سی ٹی وی فوٹیج نے لوگوں میں خوف و ہراس پھیلا دیا۔

تفصیلات کے مطابق گمان پورہ کے علاقے ولبھ باڑی میں مشتبہ خواتین کے گھروں میں تھوکنے کا معاملہ سامنے آیا ہے، جس کے بعد علاقہ مکینوں میں ہلچل مچ گئی ہے۔

سی سی ٹی وی فوٹیج میں مشکوک خواتین کو گھروں میں تھوکتے ہوئے دیکھنے کے بعد جیسے ہی لوگوں کو اس کا علم ہوا تو مکینوں نے گامن پورہ پولیس اسٹیشن کو واقعے کی اطلاع دی۔ جس پر پولیس ٹیم نے کافی دیر تک خواتین کی تلاش کی لیکن ان خواتین کا کوئی سراغ نہیں ملا۔

واقعہ کے بعد میونسپل ٹیم کو فوری طور پر طلب کیا گیا اور پورے علاقے کو سینیٹائز کرایا گیا۔ نیز ان خواتین کو سی سی ٹی وی فوٹیج کی بنیاد پر تلاش کیا جارہا ہے۔

پولیس کو اس واقعے کی اطلاع دینے والے علاقے کے رہائشی سدھارتھ کا کہنا ہے کہ چار سے پانچ مشتبہ خواتین تھیلیوں میں تھوک کر گھروں میں پھینک رہی تھیں نیز گھروں میں تھوک بھی رہی تھیں جس کے بعد پولیس کو اس کے بارے میں بتایا گیا۔

اس وقت کے بعد سے لوگوں میں خوف و ہراس پایا جارہا ہے۔ دوسری جانب راجستھان حکومت نے غیر ضروری عوامی مقامات پر تھوکنے پر پابندی عائد کردی ہے۔

Comments

یہ بھی پڑھیں