The news is by your side.

Advertisement

کورونا وائرس کا آغاز کیسے ہوا؟ عالمی ادارہ صحت کا اہم بیان

جنیوا : عالمی وبا کورونا وائرس کے آغاز سے متعلق ہونے والی تحقیقات میں سائنسدان ابھی تک اس بات کا کھوج نہیں لگا  سکے کہ یہ وبا کیسے اور کیوں پھیلی۔

عالمی ادارہٴ صحت کا کہنا ہے کہ کورونا وائرس کے آغاز کے بارے میں چھان بین کے لیے چینی شہر وُوہان بھیجی گئی ماہرین کی ٹیم کو توقع ہے کہ وہ آئندہ ہفتے ایک مختصر رپورٹ جاری کر دے گی۔

ادارے کے سربراہ ٹیڈروس ادہانم گیبریسس نے مزید کہا کہ تمام مفروضات بدستور قائم ہیں اور مزید جائزوں اور چھان بین کی ضرورت ہے۔

وہ گزشتہ روز چینی شہر وُوہان جانے والی ٹیم کے سربراہ پیٹر بین ایمبارک کے ہمراہ ایک نیوز کانفرنس سے خطاب کر رہے تھے۔

 ایمبارک نے کہا کہ دسمبر2019 میں وبا کے ابتدائی دنوں میں جو کچھ ہوا، اس کے بارے میں انہیں اب کہیں بہتر آگاہی حاصل ہے لیکن انہوں نے ساتھ ہی یہ بھی کہا کہ وہ اب بھی کورونا وائرس کے منبع کا سراغ لگانے سے کوسوں دور ہیں۔

ماہرین نے 29 جنوری سے 10 فروری تک وُوہان کا دورہ کیا۔ انہوں نے سمندری خوراک کی ایک مارکیٹ کی چھان بین کی جس کے بارے میں باور کیا جاتا ہے کہ وہ وبا کا نقطہٴ آغاز تھی۔

عالمی ادارہ صحت کی ٹیم نے وُوہان انسٹی ٹیوٹ آف وائرولوجی کا دورہ بھی کیا۔ یہ ادارہ چمگادڑوں میں کورونا وائرسوں پر ہونے والی تحقیق کے لیے معروف ہے۔

واضح رہے کہ سابق امریکی صدر ڈونلڈ ٹرمپ کی انتظامیہ نے یہ دعویٰ کیا تھا کہ کورونا وائرس ممکنہ طور پر اسی ادارے سے باہر نکلا۔

Comments

یہ بھی پڑھیں